ایسپانییا کرال کوبوکوندا «رئال مادرید» گرگین کئچه‌ن اویون‌دا سفرده «سئویلیا» ایله ۳-۳ برابره قالاراق، مغلوبیت‌سیزلیک سرییاسینی ۴۰ ماتچا چاتدیریب و تاریخی رئکوردو یئنی‌لییب.

آخار. آذ خبر وئریر کی، اویونون سون دقیقه‌لرینه قدر ۳-۱ حسابی ایله گئری‌ده اولان «رئال مادرید» ۸۳-جو دقیقه‌ده راموسون پئنالتی‌سی ایله حسابی ۳-۲ ائدیب. ۹۰+۳-جو دقیقه‌ده صحنه‌یه چیخان کریم بنزما «رئال»ی مغلوبیت‌دن خلاص ائد‌رک، تاریخی نتیجه‌نین معماری اولوب. بونونلا دا ایلک اویون‌دا ۳-۰ قلبه قازانان کرال کلوبو عمومی نتیجه‌یه گؤره (۶-۳) نؤوبتی مرحله‌یه یوکسلیب.

کرال کلوبو بو برابرلیکله از‌لی رقیبی «بارسئلونا»نین ۳۹ ماتچ مغلوبیت‌سیزلیک سرییاسینی کئچه‌رک، ایسپانییا لیقاسیندا ان اوزون مدت مغلوب اولمایان کوماندا کیمی تاریخه دوشوب.