"لیپتسیق" کلوبوندان آلمانییا ییغماسینا ایلک دفعه چاغیریلمیش فوتبولچو تیم ورنر آذربایجان میللی کومانداسینا قارشی ۲۰۱۸-جی ایل دونیا چمپیوناتینین سئچمه قروپ ماتچیندا چیخیش ائده بیلمه‌یه‌جک.

رئپورت-اون معلوماتینا گؤره، بونا ۲۱ یاشلی هجومچونون اینگیلتره ایله یولداشلیق گؤروشونده زدلنمسی سبب اولوب.

ورنر بالدیر عضله‌سیندن آلدیغی زده اوزوندن ۷۷-جی دقیقه‌ده عوضله‌نمه‌لی اولوب. باش مشقچی یواهیم لؤو زده‌نین جدی اولدوغونو و گنج فورواردین ائوینه یولا سالیناجاغینی بیلدیریب: "ورنردن آذربایجانلا اویوندا یارارلانا بیلمیجییک".

قید ائدک کی، بوندستیم آذربایجان میللیسی ایله مارتین ۲۶-دا توفیق بهراموو آدینا رسپوبلیکا ایستادیونوندا اوز-اوزه گله‌جک. گؤروش ساعت ۲۰:۰۰-دا باشلاناجاق.