تبریزین «تراختور» فوتبول کلوبو «آذرسئل» آدلی مبایل رابطه اوپراتورو ایستیفاده‌یه وئره‌جک.

آخار. آذ ایرنا-یا ایستینادلا خبر وئریر کی، بو باره‌ده کلوبون ایجراچی دیرکتورو مصطفی آجورلو ایش آداملارینین همکارلار اتفاقی و درنک مدیرلرینین کئچیردیی تدبیرده چیخیشی زامانی دئییب.

«بوگونکو دونیادا فوتبول هم ده بیر اقتصادی ایش ساییلیر. بونو نظره آلاراق بیز بو هفته بیر مقاویله‌یه ایمضا آتدیق، همین مقاویله‌یه اساساً، «تراختور» کلوبو «آزرسل» آدلی مبایل رابطه اوپئراتورو ایستیفاده‌یه وئره‌جک. «آذرسل» اؤلکه‌ده مؤوجود اولان دیگر مبایل رابطه اوپئراتورلاری ایله یاناشی فعالیت گؤستره‌جک. بیز کوماندا طرفدارلاریندان یئنی اوپئراتوردان ایستیفاده ائتمیی خواهیش ائدجییک»، - دئیه او بیلدیریب.

آجئرلو داها سونرا علاوه ائدیب: «ایکی میلیون «تراختور» طرفداری کلوبون سیم-کارتیندان ایستیفاده ائدرسه، کلوب بوندان چوخلو گلیر الده ائد‌جک. هله ۵ میلیون سیم-کارت ساتا بیلسک، کلوبون آرتیق مالییه پروبلمی قالمایاجاق».

حاضردا کلوبون ۲۰۰ میلیارد ریال بورجو اولدوغونو بیلدیرن آجورلو «تراختور» طرفدارلارینا کلوبا یاردیم ائتمه یوللارینی دا گؤستریب: «بیز کلوبون اقتصادی وضعیتینی دوزلتمک اوچون «کوثر» بانکی، «ایران» و «رازی» سیغورتالاریندان فایدالانیریق، «تراختور» طرفدارلاری قید ائتدییم بانکدا حساب آچاراق، دوغما کوماندالارینا یاردیم ائده بیلرلر»، - دئیه او علاوه ائدیب.

آجورلو تمثیل ائتدیی کلوبون یاخین گله‌جکده «کولاک» مینرال سو و نقد پولو عوض ائد‌ن اؤدنیش کارتلارینین ساتیشی ایله ده مشغول اولاجاغینی دا دقته چاتدیریب.