ایراندا فوتبول ماتچینی ایزلهمک اوچون اوغلان کیمی گئیینرک کیشی طرفدارلارلا بیرلیکده تهرانین «آزادلیق» استادیونونا گیرن گنج قیز توتولوب.
آخار. آذ خبر وئریر کی، آدینین بیلینمهسینی ایستهمهیهن قیز قادین فوتبول طرفدارلارینین ایستادیونلارا داخیل اولماسینا قویولان قاداغایا باخمایاراق، چئمپیونلار لیقاسی مرحلهسینده ایرانین «ایستیقلال» فوتبول کومانداسی ایله بیرلشمیش عرب امیرلیکلرینین «العین» کومانداسی آراسیندا کئچیریلن ماتچا باخماق اوچون کیشی پالتاری گئیینمک مجبوریتینده قالیب.
او، استادیونا داخیل اولسا دا، آز سونرا پلیس و محافظه خیدمتینین امکداشلاری طرفیندن حبس ائدیلهرک، پلیس منطقهسینه آپاریلیب.
قید ائدک کی، ایراندا دینی فیتوایا اساساً، قیزلارین کیشی طرفدارلارلا استادیونلارا و دیگر ایدمان زاللارینا گیرمهسی قاداغاندیر. سون ایللرده بو قاداغایا اعتراض اولاراق کیشی پالتاری ایله ایستادیونلارا داخیل اولان ۸ قادین طرفدار مسئولیته جلب ائدیلیب.