آخار. آذ باکیدا سفرده اولان مشهور بوکسچو ائواندئر هولیفیلدله ائکسکلوزیو موصاحیبه‌نی تقدیم ائدیر:

- جناب هولیفیلد، ایلک سوالیم مایک تایسونلا مشهور دؤیوشونوز حاقیندا اولاجاق. تایسون قولاغینیزدان دیشلدیک‌دن سونرا سیز قولاغینیزی توتاراق شوک حال‌دا گئری چکیلدینیز. مشقچینیزه طرف گئتدیک‌ده ایسه تایسون سیزی آرخادان یومروقلادی و سیزه نه ایسه قیشقیردی، سهو ائتمیرم‌سه، تحقیرامیز سؤزلر ایدی. سیزین او آندا دوشونجه‌لرینیز نه ایدی؟ و اؤزونوزو نئجه جیلوولادینیز؟

- او منی قولاغیم‌دان دیشلدیک‌دن سونرا چوخ اسبیلشمیشدیم. و من ده جاواب اولاراق اونو دیشلمیی قرارا آلمیشدیم. لاکین بیزه بیلدیریل‌دی کی، بو حال بیر ده تکرارلان‌سا، جزاسی دیسکوالیفیکاسییا اولاجاق. منیم بئله شئیلری آنلایاجاق قدر کاریئرام وار ایدی کی، اونلار بونو تله اولاراق ایستیفاده ائدیب، ایکیمیزدن بیرینی دؤیوش‌دن کنارلاش‌دی‌راقلار. بونا گؤره ده من تایسونون بو حرکتینین اینتیقامینی ائله رینق‌ده‌جه دؤیوشله آلماغی قرار وئردیم.

- بو حادثه باش وئردیی آندا سیز دؤیوشو دایان‌دیرا، اعتراض ائده بیلردینیز. لاکین تیببی موداخیله‌دن سونرا سیز ده، مشقچینیز ده دؤیوشه داوام ائدجیینیزی دئدینیز. بو چوخ تأثیرلی‌دیر: نیه گؤره بئله قرار وئردینیز؟

- بیرینجی سبب بو ایدی کی، من دؤیوش‌دن چکیلمیی، رینق‌دن چیخماغی قبول ائتمیرم. ایکینجی و اساس سبب بو ایدی کی، من اونا چوخ اسبی ایدیم و بو حرکتین جاوابینی رینق‌ده وئرمک ایستییردیم. اونا ثبوت ائتمک ایستییردیم کی، حتی سن منی دیشله‌سه‌ن بئله، من سن‌دن قورخمورام و سنه قالیب گله‌جه‌م.

- پئشکار کاریئرانیزا باشلامازدان اؤنجه سیزین بوکس کومیرینیز کیم اولوب؟ سیزی هوسله‌ن‌دیره‌ن، سیزی بوک‌سا یؤنل‌دن مشهورون آدینی چکه بیلرسینیز؟

- محمد علی! ۸ یاشیم اولان‌دا منه «محمد علی کیمی اولا بیلرسه‌ن» دئییردیلر. بیر گون مشقچیم بو حاق‌دا نه دوشوندویومو سوروش‌دو، من ایسه «آنام‌دان سوروشمالییام» دئدیم. ائوه گلیب آناما دئیه‌ن‌ده کی، آنا، مشق یولداشلاریم و مشقچیم منه دئییرلر کی، سن محمد علی کیمی اولا بیلرسه‌ن، آنام جاوابین‌دا منه سوال وئردی: «بیلیرسن سنه نه ائد‌جکلر؟» من سوروشدوق‌دا، آنام «اونلار سنی ووراجاقلار» دئدی. و من گولمه‌یه باشلادیم. چونکو من بؤیوک قارداشلاریم طرفین‌دن تئز-تئز وورولوردوم و بونون پروبلئم اولمایاجاغینی دوشوندوم. آنام ایسه داوامین‌دا، «اما سن ده اونلاری وورا بیله‌جک‌سه‌ن» دئدی. و بئله‌لیکله، من بوکس کاریئراما باشلادیم.

- معاصر دؤورده اینسانلار شوو کاراکتئرلی دؤیوشلر تشکیل ائدیرلر. مثلاً، بونلاردان بیری بو یاخینلاردا باش وئره‌ن فلوید مئیوئزئر کونور ماکقرئقور دؤیوشو ایدی. بو دؤیوشه گئتمیشدینیزمی؟ کیمین قالیب گلجیینی دوشونوردونوز؟

- بلی، من او دؤیوشه گئتمیشدیم، دؤیوشو جان‌لی اولاراق آرئنادان ایزلییردیم. فلویدون قالیب گلجیینی بیلیردیم، لاکین کونورون دا چتین رقیب اولدوغونو بیلیردیم. دؤیوش بوکس قای‌دالارین‌دا تشکیل ائدیلمه‌سینه باخمایاراق، کونور یاخشی موباریزه آپاردی.

- سیزجه، کاریئرانیز عرضین‌ده بئله دؤیوشلر تشکیل ائدیلسی‌دی، اوفج قای‌دالارین‌دا قالیب اولا بیلردینیزمی؟

- اوفج قای‌دالارین‌دا یوخ. اما بوکس قای‌دالارین‌دا دوشونوره‌م کی، قالیب اولا بیلردیم.

- اگر بوکس‌چو اولماسایدینیز، نه ایله مشغول اولاردینیز؟

- من یاخشی فوتبول اویناماغی باجاریرام. فیکریمجه، من بوکسلا مشغول اولماسایدیم، آمئریکان فوتبولو اویون‌چوسو اولاردیم.

- سون دؤیوشونوزدن سونرا سیز کلیچکو قارداشلارین‌دان بیری ایله دؤیوشجیینیزی اعلان ائتمیشدینیز. اما بو دؤیوش باش توتمادی. سبب نه ایدی؟

- اونلار دئدیلر کی، بیز سنی بیه‌نیریک، بیزیم سنه حؤرمتیمیز وار و سنینله دؤیوشمک ایستهمیریک. بونا گؤره ده دؤیوش باش توتمادی.

- مایک تایسونلا ایندیکی دؤورده رینقه چیخاردینیزمی؟ شوو کاراکتئرلی بیر دؤیوش ائدردینیزمی؟

- خئیر. اویون منیم اوچون بیتیب (گولور). من آرتیق بوکس مصلحت‌چی‌سییه‌م. و فیکریمجه، هر بیر اینسانین پارلاماق واختی و ایشیغینی سؤن‌دورمه‌لی اولدوغو واخت اولور.

- پرئزیدئنتیمیزله گؤروشونوز اولدو. بو گؤروش حاقین‌دا تسسوراتلارینیز نئجه‌دیر؟

- من‌ده چوخ گؤزل تسسوراتلار یاران‌دی. من اونون اؤز اؤلکه‌سینه، اؤز میللتینه یاناشما طرزینی چوخ بیندیم. اونون ایدمانا قایغی‌سینی، بوتون چتین‌لیکلرله نئجه موباریزه آپارماغینی، حیاتا باخیشینی یوکسک قیمتله‌ن‌دیریرم. بیلیرسینیز، حیات بودور، نه اولورسان اول، کیم اولورسان اول، چتین‌لیکلر دایما اولور، اساس اولان سنین چتین‌لیکلرله نئجه موباریزه آپارماغین‌دیر. و من دوشونوره‌م کی، پرئزیدئنتینیز چوخ اوزاقگؤره‌ن و دونیاگؤروش‌لو شخص‌دیر و چتین‌لیکلرله نئجه موباریزه آپارماق لازیم اولدوغونو چوخ یاخشی بیلیر.

- بو سیزین باکییا ایلک سفرینیزدی. باکی حاقین‌دا تسسوراتلارینیز نئجه‌دیر؟

- من اینسانلاری چوخ سئودیم. بیلیرسینیز، بو بینالاردی، پارکلاردی، ایله‌نجه مرکزلری و س. بونلاری هر یئرده تیکمک اولار، اما شهرین نئجه اولماسی اورانین اینسانلارین‌دان آسی‌لی‌دیر. سیزین اینسانلارینیز ایسه حقیقته‌ن مؤهتشه‌م‌دیر و گؤزل تیکی‌لیلر، پارکلاری گؤزل اینسانلارلا یان-یانا گتیردیک‌ده، باکی کیمی گؤزل شهر فورمالاشیر.

- سون دؤیوشونوزدن سونرا سیز اعلان ائتمیشدینیز کی، بو منیم اوچون یولون سونودور و من کاریئرامی بیتیرمیی دوشونوره‌م. لاکین رس‌می اولاراق کاریئرانیزی ۳ ایل سونرا بیتیردینیز و بو ۳ ایل عرضین‌ده هئچ بیر دؤیوشه چیخمادینیز. بونا سبب نه ایدی؟

- من او دؤیوش‌دن سونرا بیر چوخ بوکس‌چویا رینقه چیخماغی تکلیف ائتدیم، لاکین اونلارین هئچ بیری منیمله دؤیوشه چیخماق ایسته‌میردی. بعضیلری حؤرمت خاطرینه، بعضیلری قورخوسون‌دان. بون‌دان سونرا دوشوندوم کی، من ۷ فرق‌لی واخت‌دا ۲ فرق‌لی چکی‌ده دونیا چئمپیونو اولموشام، بون‌دان سونرا بوکس اوچون نه ائده بیلره‌م آخی؟ و من ده کاریئرامی رس‌می اولاراق بیتیرمک قرارینا گلدیم.

- هامیمیز بیلیریک کی، بوکس دؤیوش‌چولری آراسین‌دا اؤزونمخسوس نیفرت اولور. لاکین تایسون، لئویس کیمی افسانوی بوکس‌چولار دا داخیل اولماقلا، سیز بوتون رقیبلرینیزین حؤرمتینی قازانمیشدینیز. بونون سیرری نده ایدی؟

- بیر شئیه اینانیرام کی، بیر اینسانین اؤزونه اولان حؤرمتی اطراف‌داکی اینسانلارین دا اونا اولان حؤرمتینی معین ائدیر. یعنی تایسون، لئویس، من - بیز هامیمیز فرق‌لی یئرلرده عینی مقصدله بؤیوموشوک: من چئمپیون اولاجام. بیر اینسان اؤزو ایله عینی مقصدله یاشامیش بیرینه نئجه حؤرمت‌سیزلیک ائده بیلر؟ اونا گؤره ده من دایما اؤزومه و رقیبلریمه حؤرمت ائتمیشه‌م.

- سون اولاراق فاناتلارینیزا، هوسکار بوکس‌چولارا بیر سؤزونوز وارمی؟ اونلارا نه مصلحت گؤرورسونوز؟

- منی دینله‌یه‌ن و منی ایزله‌یه‌ن دوستلاریما تک مصلحتیم بودور کی، مقصدلرینیزی بیلین، اونلاردان هئچ واخت ال چکمیین و ان اساسی دؤیوشو هئچ واخت یاریمچیق قویوب چیخمایین، اگر بونلاری ائتسه‌نیز، سیز بیر گون حقیقته‌ن ده چئمپیون اولاجاقسینیز.