«تراکتور» خصوصی کوماندادیر. تبریزین ۲ میلیون اهالیسی وار، ایران‌دا ایسه ۳۵ میلیون‌دان چوخ تورک یاشاییر. بوتون بونلار «تراکتور» اوچون بؤیوک پوتنسیال‌دیر.

آخار. آذ خبر وئریر کی، بو سؤزلری تبریزین «تراکتور» کلوبونون تورکییه‌لی باش مشقچیسی ارطوغرول ساغلام دئییب. او بیلدیریب کی، «تراکتور»اون آزارکشلری دوزگون کورپوسا چئوریلرسه، بو کوماندا «بشیکتاش»، «فنرباخچا» و «گالاتاسارای» کیمی کلوبلارین سیراسینا کئچه بیلر:

«بئله بیر کوماندایا باش مشقچیلیک ائتمه ییمله فخر ائدیرم. بو کوماندا قونشو اؤلکه‌لرده ده سئویلیر. کوماندا طرفدارلاری ائله بیر وضعیت یارادیب کی، حتی تورکییه‌نین بؤیوک کوماندالارینین دا بئله بیر شرایطی یوخدور. لاکین کلوبون طرفدارلاری یئنی‌دن بیر آرایا گلرک مؤوجود پروبلملری حل ائتمه لیدیرلر».

قئید ائدک کی، ۴ آیدیر «تراکتور» کومانداسینا باش مشقچیلیک ائد‌ن ا.ساغلامین کلوبلا موقاویله‌سینین مدتی باشا چاتیب. «تراکتور» آزارکشلری تورکییه‌لی موتخصیصین کوماندایا باش مشقچیلییه داوام ائتمه‌سینی طلب ائدیرلر.