سون هفته‌لر عرضین‌ده ایران‌دا ایدمانچیلارلا رسمیلر آراسیندا قالماقال یاشانماقدادیر.

Axar.az خبر وئریر کی، ایرانین گولش اوزره میللی ییغماسینین عضوو علیرضا کریمی رسمیلری کسکین تنقید ائدیب. او بیلدیریب کی، یوکسک مبلغ‌ده امک حاقی آلان و اؤولادلاری آمریکادا و دیگر غرب اؤلکه‌لرینده لوکس حیات یاشایان مأمورلار خالقی بورجلو چیخارتماق عوضینه، مؤوجود پروبلملری حل ائتملیدیرلر.

اؤلکه‌ده امک حاقلارینین و تقاعدلرین ده کسکین آشاغی اولدوغوندان شیکایت ائد‌ن گولشچی بیلدیریب کی، خالقا دؤزوملو اولماغی مصلحت گؤره‌ن رسمیلر اؤزلری هئچ بیر گون بئله اولسا، بو وئریلن پوللارلا یاشایا بیلمزلر.

علیرضا کریمینین سؤزلرینه گؤره، ایران‌دا گولشچیلرین ۹۰%-ی کاسیب طبقه دندیرلر و بو سبب‌دن اونلار دا بو گون خالقین ۷۰%-ی کیمی، آغیر سوسیال-اقتصادی شرایط‌ده یاشاییرلار.