گونئی آذربایجانین «تراختور» فوتبول کومانداسی‌نین نظارت‌چی‌سی (مودیر) احد شیخ‌لاری سون گونلرده آذربایجان کومان‌داسین‌دان بیر نئچه اویونچونون آیریلماسی ایله باغلی یاییلان شایعه‌لره آیدین‌لیق گتیریب.

آخار. آذ خبر وئریر کی، او بو باره‌ده «فارس» خبر آگئنتلیینین موخبیرینه دانیشیب.

«مسیح زاهیدی و ایمان سلیمی «تراختور»دان آیریلماییب. یالنیز محمد موسلیمی‌پور کومان‌دادان آیریلاراق «ماشین سازی»یه قوشولوب. بو باره‌ده یاییلان دیگر خبرلر شایعه‌دن باشقا هئچ نه دئییل.

مسیح زاهیدی بدن خسارتی آلیب، لاکین او «ماشین سازی»یه قوشولماییب.»- دئیه کوماندانین نظارت‌چی‌سی بیلدیریب.

احد شیخ‌لاری کلوبون یولداش‌لیق گؤروشو ایله باغلی پلانلارینا دا توخونوب. او بیلدیریب کی، نؤوبتی سوپر لیقا یاریشلاری‌نین باشلایاجاغی تاریخ معلوم اولمادیغی اوچون کلوب حاضرلیق ایشلری ایله علاقه‌دار معین پروبلئملر یاشاییر. اونا گؤره ده کونکرت پروقرامیمیز یوخ‌دور. بونا باخمایاراق باش مشق‌چی جناب مصطفی دنیزلی مصلحت گؤررسه، یاخین گونلرده بیر یولداش‌لیق گؤروشو کئچیریله بیلر.