آذنیوز. تی وی خبر وئریر کی، ایران سوپئر لیگاسینین ۱۹-جو تورونون آوقوستون ۲۲-ده ایستارت گؤتورمه‌سی نظرده توتولور. بو باره‌ده لیگا تشکیلاتینین رئیسی حیدر بهاروند معلومات وئریب.

اونون سؤزلرینه گؤره، فدراسییا پرزیدنتی مهدی تاجلا بیرگه کئچیردیکلری ایجلاس‌دا لیقا کلوبلارینین سون دورومونو آراشدیراراق لیگانین ۱۹-جو تورونون آوقوستون ۲۲-ده باشلاماسی ایله باغلی قرار قبول ائدیب.

قرارا اساساً، ۱۹-جو لیقانین ایلک اویونو پرسپولیسله جنوبی پارس کلوبلاری آراسیندا آزادی ایستادیونون‌دا کئچیریله‌جک.

اویونلارین بوتون پروگراملاری اعلان اولونماسا دا، اویونلار آوقوستون ۲۲-۲۳-او آراسین‌دا بؤلونه‌جک.

لیگانین ایلک هفته‌سینین اویونلاری بونلاردان عبارت‌دیر:
پرسپولیس- پارس جنوبی جمع
ماشین سازی- ایستیقلال
تیراختور- نفت مسجد سلیمان
زوب آهن- سایپا
قولقوهر- نساجی
شاهین بوشهر- سپاهان
فولاد- صنعت نفت آبادان
پیکان- شهر خودرو

خاطیرلاداق کی، ایستادیونلاری حاضر اولمایان کلوبلارین اویونلاری یا تاماشاچی‌سیز یا دا طرف‌سیز بیر ویلایت‌ده کئچریله‌جک.