یوخاری

«اورمییه ۹۰» کلوبو یئنی کؤینکی‌نین تقدیماتینی ائتدی– ویدئو

آنا صحیفه ایدمان
12 Punto 14 Punto 16 Punto 18 Punto

«اورمییه ۹۰» فوتبول کلوبو یئنی کؤینکی‌نین تقدیمات مراسیمینی کئچیریب.

آخار. آذ خبر وئریر کی، «خانه جوان» سالونون‌دا باش توتان مراسیمه ۶ مین نفردن چوخ کومان‌دا طرفداری قاتیلیب.

آوقوستون ۱۴-ده باش توتان مراسیم‌ده آذربایجان موسیقی‌سی ایفا اولونوب و میللی رقصلریمیز نوماییش ائتدیریلیب.

«اورمییه ۹۰» کلوبونون مدیری یحیی بهاری اورمییه‌نین میللت وکیلی نادر قاضیپور، غربی آذربایجان والی‌سی محمد مهدی شهریاری و اورمییه‌نین بلدییه باش‌چی‌سی محمد حضرت‌پوردان دستک گؤزلدیکلرینی و بو اومیدله ایران چئمپیوناتی‌نین ۱-جی دسته‌سینین اویونلارینا قاتیلاجاقلارینی بیلدیریب.

مراسیمین سونون‌دا «اورمییه ۹۰» کومان‌داسینین ساری رنگ‌ده اولان کؤینه‌یی تقدیم اولونوب، اویون‌چولارین گئییمی‌نین اوزرین‌ده مهدی باکیری‌نین شکی‌لی عکس اولونوب.

«اورمییه ۹۰» کومان‌داسی اؤتن ایل تبریزدن اورمییه شهرینه هدییه اولونوب. کلوب تبریزده فعالیت گؤستردیی زامان «گسترش فولاد» آدلانیردی، لاکین اورمییه‌یه انتقال ائدیلدیکدن سونرا «اورمییه ۹۰» آدلاندیریلیب.

غربی آذربایجان اهالی‌سی کلوبون تبریزدن اورمییه‌یه اینتیقال ائدیلمه‌سینی رغبتله قارشیلاسا دا، ایالتین کورد کؤکنلی مسئوللاری، او جمله‌دن والی محمد مهدی شهریاری و غربی آذربایجان گنجلر و ایدمان ایداره‌سینین ری‌سی عبدالله چمنگولو موختلیف یوللارلا کومان‌دانین فعالیتینه مانع‌چی‌لیک یارادیر. بو وضعیته یئرلی اهالی ایله یاناشی، «اورمییه ۹۰» کلوبونون مسئوللاری، همچینین اورمییه‌نین میللت وکیللری دفعه‌لرله اؤز اعتراضینی بیلدیریب.

تاریخ
2019.08.15 / 15:59
مولف
Axar.az
دیگر خبرلر

"تراکتور"اون اویونلاری آذربایجاندا جانلی یاییم‌لاناجاق - ویدئو

اولدوز فوتبولچو قارداشی ایله بیرگه فاجعوی شکیلده اؤلدو

تهران‌دا تحقیر اولونان تورکییه‌لی باش مشقچی استعفا وئردی

مسی "الحلال"آ کئچه بیلر

ایرانلی ایدمانچیلارین جنوبی کره‌ده جنایتی تصدیق ائدیلدی

"هال سیتی"نین یئنی باش مشقچی‌سی بللی اولدو

دنیانین ان گوجلو فوتبول لیگالاری بللی اولدو

"چئلسی" فرانسالی مدافعه‌چی ایله هیئتینی گوجلندیردی

رونالدو بو کلوبون تکلیفیندن امتنا ائتدی

چوگان اوزره آذربایجان ملیسی ایلک دفعه آوروپا چمپیونو اولدو

خبر خطّی
Axar.az'da reklam Bağla
Reklam
Bize yazin Bağla