بیر هفته اول قریم ائد‌رک کیشی شکلین‌ده تهرانین «آزادی» ایستادیونونا داخیل اولدوقلاری اوچون حبس ائدیله‌ن «آزادلیق قیزلاری»ندان ۴-او آزادلیغا بوراخیلیب.

آخار. آذ خبر وئریر کی، زهرا خوشنواز، لیلی ملکی، هدییه مروه‌سی و فوروق الایی‌دیر آدلی خانیم آزارکئشلر گیروو قارشیلیغین‌دا موقتی اولاراق سربست بوراخیلیبلار.

قرچک زین‌دانین‌دا ساخلاندیقلاری مدت‌ده پسیخی تضییقه معروض قالان قیزلارین هم ده تهدید ائدیلدیی بیلدیریلیر. اونلارین صحتی باره‌ده هر هان‌سی بیر معلومات یاییلماییب.

همین واخت حبس ائدیلدیی بیلدیریله‌ن داها ایکی قیزین تالعی بل‌لی دئییل.

خاطیرلاداق کی، آوقوستون ۱۲-ده فوتبول یاریشلارینی یاخین‌دان ایزله‌مک اوچون گریم ائد‌رک ساقال قویان و گیزلی شکیل‌ده تهرانین «آزادی» ایستادیونونا داخیل اولان قیزلار اطلاعات امکداشلاری طرفین‌دن حبس ائدیله‌رک، قرچک زیندانینا آپاریلمیش‌دیلار.