آمریکا دؤولت دپارتامنتینین سؤزجوسو آمریکانین ایران جودوچوسو سید موللایینی دستکله‌مک اوچون بین الخالق جودو فدراسییاسینا قاتیلدیغینی بیلدیریب.

آخار. آذ خبر وئریر کی، مورگان اورتگاس، ۳ سنتیابر (۱۲ شهریور) چرشنبه آخشامی ایران ایدمان رسمیلرینین سعید موللایینین ایسرائیل ایدمان‌چی‌سینا مغلوب اولماسی ایله باغلی اونا قارشی تضییقلرینه توخوناراق Twitterdə مئساژ یازیب: «ایدمان یاریشلارین‌دا ایشتیراک ائتمک قورخاقلارین قیصاص قورخوسو ایله مشایعت اولونمامالیدیر».

قید ائدک کی، سعید موللایی کئچه‌ن هفته یاپونییادا کئچیریلن جودو اوزره دونیا چمپیوناتینین یاریم‌فینالین‌دا ۸۱ ک.گ چکی درجه‌سین‌ده فینال‌دا ایسرایل‌لی رقیبی ایله قارشی-قارشییا گلمه‌مک اوچون بلچیکالی رقیبینه اودوزوب. او، اؤز مصاحیبه‌سین‌ده تصدیق ائدیب کی، ایرانین ایدمان ناظرینین معاوینی و اؤلکه‌نین میللی اولیمپییا کمیته‌سینین رهبری اونا ایسرایل‌لی رقیبی ایله قارشیلاشماماق اوچون یاریم‌فینال‌دا مغلوب اولماسینی تاپشیریب. موللایی یاپونییادان ایرانا قاییتمایاراق آلمانییایا گئدیب.

بازار گونو عمومدونیا جودو فدراسییاسینین پرزیدنتی سعید موللایییه فدراسییانین دستیینی اعلان ائد‌رک، یاپونییا اولیمپیاداسین‌دا ایران‌دان باشقا بیر دؤولتین بایراغی آلتین‌دا ایشتیراک ائده بیلجیینی دئییب.

فدراسییا، بازار ائرته‌سی گونو همچینین اؤز Twitter حسابی آدینی ایسوپپورتموللائی # (من موللایینی دستکلییرم) هشتقی ایله اوزله‌ییب.

کئچن ایل دونیا چمپیوناتین‌دا قیزیل مئدال قازانان موللایی سون ایللرده ایسرایل‌لی رقیبلری ایله اوچ دفعه قارشیلاشیب، اما هر دفعه ایسلام رسپوبلیکاسی رسمیلرینین تضییقی آلتین‌دا بیر بهانه ایله ایسرایل ایدمان‌چیلاری ایله یاریشماقدان ایمتینا ائدیب.