Axar.az
یوخاری
19 سئنتیابر 2019


دونیا چئمپیوناتینین گونئی آذربایجان‌لی اوغلانی

آنا صحیفه ایدمان
12 Punto 14 Punto 16 Punto 18 Punto

معلوم‌دور کی، ایران‌دا ۳۰ میلیون‌دان چوخ آذربایجان‌لی یاشاییر. زامان-زامان آذربایجان تورکلری آراسین‌دان چیخمیش مشهور فوتبول‌چولار ایرانین فوتبول تاریخین‌ده سیلینمز ایزلر قویوبلار. ائله تکجه ایران فوتبول تاریخینین یاخین ایللرده‌کی افسانه‌سی - آذربایجان‌لی علی دائی، ائل‌جه ده کریم باگیری اونودولماییب.

بو گون ایران میللی‌سین‌ده علی دائینین یولونو داوام ائتدیره‌ن کریم انساریفرد ده اونون کیمی اصلا گونئی آذربایجانین اردبیل شهرین‌دن‌دیر. ائله ایران‌دا دا اونو علی دائنینین داوامچی‌سی آدلاندیریرلار.

آخار. آذ خبر وئریر کی، کریم انساریفرد ۱۹۹۰-جی ایل آپرئلین ۳-ده اردبیل‌ده، آذربایجان‌لی عائله‌سین‌ده دونیایا گلیب. کریم لاپ کیچیک یاشلارین‌دان ایران‌دا فوتبول مکتبینه یازیلیب. ۵ ایل بو مکتب‌ده فوتبولون سیرلرینه ییه‌لنه‌ن سویداشیمیز ۲۰۰۵-جی ایلده دوغما اردبیل شهرینین "زوب آهان» کلوبونون هئیتینه گؤتورولوب. بیر ایلده‌ن سونرا - ۲۰۰۶-جی ایلده او، مشهور علی دائینین چالیشدیردیغی "سایپا» کومان‌داسینا آلینیب. بئله کی، علی دائی همین ایل اردبیله گله‌رک، دوغما شهرین‌ده گنج فوتبول‌چولار آراسین‌دان سئچیم ائتمک ایستیرکه‌ن کریم انصاریفرد دقتینی جلب ائدیر. نتیجه‌ده کریمین "سایپا» کلوبونا کئچی‌دی گئرچکلشیر.

بورادا کومان‌داسینین اساس اویون‌چوسونا چئوریله‌ن کریم داها سونرا - ۲۰۱۲-جی ایلده ایرانین ان کؤک‌لو کومان‌دالارین‌دان اولان "پرسپولیس»ا کئچیر. ۲۰۱۳-جو ایلده ایسه کریم انصاریفرد گونئی آذربایجان پایتاختی تبریزین مشهور "تراکتورسازی» کلوبونا کئچیر. محض اونون چیخیش ائتدیی ایلده تبریز کلوبو ایران کوبوکونو قازانیب.

۲۰۱۴-جو ایلده کریم آوروپا کلوبلارینین دقت مرکزینه دوشور و او، ایسپانییانین "اوساسونا» کلوبونا ترانسفئر ائدیلیر. آردین‌دان یونانیستانا یول‌لانان کریم "پانیونیوس» کلوبون‌دا اویناماغا باشلاییر. بوردا چیخیش ائتدیی ایل یاریم عرضین‌ده ۵۱ اویونا ۱۵ قول وورور. نهایت یونانیستانین ان مشهور کلوبو اولان "اولیمپیاکوس» کریم انصاریفردین کئچیدین‌ده ماراق‌لی اولور و سویداشیمیز بو کومان‌دا ایله مقاویله باغلاییر.

بئله‌لیکله، کریم ۲۰۱۷-جی ایلین یانوارین‌دان تا ایندیدک "اولیمپیاکوس»دا اویناییر. اونون کلوبلا موقاویله مدتی ۲۰۲۰-جی ایلین یایین‌دا بیته‌جک.

۲۸ یاش‌لی هوجوم‌چو اؤت‌ن مؤوسوم ۱۷ قوللا یونانیستان چمپیوناتینین ایکینجی بومباردیری اولوب.

کریم ایران میللی‌سین‌ده چوخ ائرکه‌ن، جمعی ۱۹ یاشین‌دا دئبوت ائدیب. ۲۰۰۹-جو ایلین نویابرین‌دا ایسلان‌دییا ایله تهران‌دا کئچیریله‌ن یولداش‌لیق گؤروشون‌ده اساس ییغمادا دئبوت ائد‌ن کریم انساریفرد بونو قوللا قئید ائدیب.

۲۰۱۴-جو ایلده ایران ییغمانین باش مشق‌چی‌سی پرتقالییالی کارلوش کئیروشون اعتیمادینی قازانان کریم اساس کومان‌دادا یئر آلیر و برازیلییادا کئچیریله‌ن دونیا چمپیوناتینا آپاریلیب.

بو دفعه ایسه باش مشق‌چی ۲۸ یاش‌لی آذربایجان‌لی فوتبولچونو روسییایا گتیریب.

بو دونیا چئمپیوناتینادک آذربایجان‌لی هوجوم‌چو کریم انصاریفرد ایران ییغماسین‌دا کئچیردیی ۶۱ اویون‌دا ۱۶ قول وورموشدو.

ایران ییغماسی روسییادا آرتیق بیر اویونو گئریده قویاراق، مراکش اوزرین‌ده ۱:۰ حساب‌لی غلبه قازانیب. غلبه‌ده کریم انصاریفردین ده پایی وار. بئله کی، او، مراکئشله اویون‌دا میدانا چیخان اساس اویون‌چولاردان اولوب.

تاریخ
2019.09.06 / 15:59
مولف
Axar.az
شرح لر
دیگر خبرلر

«تراختور» سیرجان شهرینین تمثیل‌چی‌سی ایله قارشیلاشاجاق

قازاخیستان‌دا قالماقال: گولشچیمیز اودوزدورولدو و...

«تراکتور» تاماشاچیلارینین محروم‌لوغو آرادان قالدیریلیب

قوندارما رژیمیم کومان‌داسی تهران‌داکی اولیمپیادادا ایشتیراک ائتمیر

گنج والیبول‌چو تورکییه‌ده‌کی «بورسا بلدییه» کومانداسینا قاتیلیب

گونئی آذربایجان‌لی گنج قیز اؤلکه‌ده ۱-جی اولدو

ایران کوبوکون‌دا «تراکتور»او آسان، «ماشین سازی»نی ایسه چتین بیر اویون گؤزلییر

بیناب‌لی طلبه طیاره دیزاینی یاریشماسین‌دا بیرینجی یئری قازاندی

ایران فوتبول فدراسییاسی: قادینلارین ایران-کامبوجا اویونونا بوراخیلماسینی...

«بارسئلونا»نین فوتبولچوسو تاریخه دوشدو

خبر خطّی
 
Axar.az'da reklam Bağla
Reklam
Bize yazin Bağla