"بوتون گوجوموزله و طرفدارلاریمیزین دستگی ایله فوتبال‌چیلاریمیزین آرخاسینداییق"

آخار. آذ خبر وئریر کی، تراختور فوتبال کلوبو، سوسیال مئدیا حسابین‌دان تورک بایراغی و تورک عسگرینین فوتوگرافینی پایلاشدیقدان سونرا ایران فوتبال فدراسیونو طرفین‌دن اویونلاردان گئچیجی اولاراق منع ائدیلن فوتبالچیسی مهدی ببرییه صاحب چیخدی.

تراختور فوتبال کلوبونون رسمی تویتر حسابین‌دان وئریله‌ن آچیقلامادا، ایران فوتبال فدراسیونونون، باریش بولاغی عملیاتینی دستکلدیگی و بو سببله ده مهدی ببرییه میدانلاردان منع جزاسی وئرمه‌سی تنقید ائدیلدی.

مصطفی دنیزلینین چالیشدیردیغی تراختور آذربایجان آچیقلاماسین‌دا ایستیقلال تیمینده اوینایان وریا غفورینین ده اینستاگرام حسابین‌دا پروفیلینه "سیو روژاوا" یازدیغی و تورکییه‌نی تنقید ائتدیگی، بونا قارشی هئچ بیر جزا آلمادیغی قید ائدیله‌رک، ایران فوتبال فدراسیونونون ایکی ایستانداردلی داورانیشینا تپکی گؤستریلدی.

آچیقلامادا، "بوتون گوجوموزله و طرفدارلاریمیزین دستگی ایله فوتبال‌چیلاریمیزین آرخاسینداییق" ایفاده‌سی ایشلدیلدی.