ایرانین «ایدمان» تله‌کانالینین رادیو پروگرامین‌دا گونئی آذربایجان اهالی‌سی و «تراکتور آذربایجان» فوتبول کلوبونون آزارکئشلری تحقیر اولونوب.

پروگرام‌دا ایشتیراک ائد‌ن ایران‌لی اکسپرت گونئی‌لیلری «قاراگوروه دسته‌سی» آدلاندیریب.

هابئله آذربایجان‌لیلار «ایرانین میللی تهلوکسیزلیینی تهدید ائتمک‌ده» اتهام اولونوب.

پروگرام‌داکی تحقیرامیز ایفاده‌لر تبریزین ایران پارلامنتین‌ده‌کی میلت وکیلی محمد حسین فرهنگینین کسکین اعتراضینا سبب اولوب.

او، بو باره‌ده ایران تله رادیو شیرکتینین رئیسی علی عسگرییه اعتراض مکتوبو عنوانلاییب: «وئرلیشین قوناغی «تراکتور» طرفدارلارینین عنوانینا یئرسیز و تحقیرآمیز اتهاملار سسلندیردی. بو مسئله‌یه قانون چرچیوه‌سینده باخیلمالیدیر. وئریلیشده تخمینین ۱۰۰ مین آزارکئش و میلیونلارلا تلویزییا تاماشاچی‌سی «دوشمنلره ایشله‌یه‌ن قاراگوروه‌چو دسته‌لر» و «میللی تهلوکه‌سیزلیگی تهدید ائد‌ن قوه‌لر» کیمی قیمتلندیریلدی.

اگر صحبت معین اینسانلاردان گئدیرسه، او زامان نه اوچون اوکتیابرین ۳۱-ده تهران‌دا باش وئره‌نلر بوتون «پرسپولیس» کومان‌داسینین طرفدارلارینا شامیل ائدیلمه‌دی؟ اونلار شهید عائله‌لرینی آشاغیلامیشدی. نه اوچون تهران ایستادیونلارین‌دا مقدس شخصلر تحقیر اولونان‌دا و کئچمیش یاراماز رژیمه دستک وئریلدیی زامان بئله رئاکسییالار اولمور؟ اؤز کومانداسینی دستکله‌یه‌ن میلیونلارلا اینسانین پیسله‌نمه‌سی ائتنیک زمین‌ده نیفاق سالماق و میللی بیرلییه خلل گتیرمکدن باشقا هئچ نه دئییل».

میلت وکیلی قید ائدیب کی، ایرانین فوتبول ایجتیماعیتینین و حکومته باغلی کوماندالارین تبریز و آذربایجانا معنوی بورجو وار.

او، مکتوب‌دا ایران تله‌رادیو شیرکتین‌دن آذربایجان اهالی‌سی و «تراکتور» طرفدارلارینی آشاغیلاماغا سون قویماغی طلب ائدیب.