«باش مشق‌چی مصطفی دنیزلی مؤوسومون سونونادک کومان‌دادا اؤز فعالیتینی داوام ائتدیره‌جک.»

آخار. آذ خبر وئریر کی، «ورزش ۳» سایتینین یایدیغی معلوماتا گؤره، بو سؤزلری گونئی آذربایجانین «تراختور» فوتبول کلوبونون صاحبی محمدرضا زنوزی بیلدیریب.

کلوب صاحبی «تراختور» سون ۳ گؤروش‌ده آبادانین «نفت» کومان‌داسی، ائل‌جه ده «ایستیقلال» و «سپاهان» کومان‌دالارینا اودوزدوقدان سونرا باش مشق‌چی مصطفی دنیزلینین کومان‌دادان کنارلاشدیریلاجاغی ایله باغلی یاییلان شایعه‌لره جواب اولاراق بو باره‌ده دانیشیب.

«جناب مصطفی دنیزلی چوخ تجروبه‌لی، سوییه‌لی و حؤرمت‌لی بیر باش مشق‌چی‌دیر. بیزیم فیکریمیزه گؤره، اونون «تراختور»آ باش مشق‌چی اولماسی سوپر لیقایا خصوصی اهمیت قازاندیریب. اونا گؤره ده اونو راحت شکیل‌ده الده‌ن وئره بیلمریک.
دوغرودور، سون ۳ گؤروش‌ده «تراختور» گؤزلندیی کیمی چیخیش ائده بیلمه‌ییب. لاکین من دوشونوره‌م کی، بونون باشقا سببلری ده وار. مثال اوچون «ایستیقلال»لا گؤروش‌ده حاکم مسئله‌سی او جمله‌دن‌دیر. ایسته‌نیله‌ن حال‌دا، بیز سون ۳ گؤروش‌دن اوولکی دوروما قاییتماغا چالیشاجاییق. اومید ائدیره‌م کی، مؤوسومون بیرینجی یاریسین‌دا تورنیر جدولینین بیرینجی پیلله‌سینه یوکسلک.»- دئیه او بیلدیریب.