«تراکتور» کلوبونون طرافدارلاری «پرسپولیس»این تورکلره قارشی ائتدیی ایرق‌چی‌لییه قارشی داها بیر کامپانییا باشلاداجاقلار.

مطبوعات‌دا یاییلان پایلاشیملارا گؤره، «تراکتور» طرفدارلاری بو آخشام، تبریز واختی ایله ساعت ۲۰-۲۲ آرالارین‌دا اینستاقرام و تویترده کامپانییایا ایستارت وئره‌جکلر. کاپانییایا قاتیلانلار (دونیا سسیمیزی ائشیت) هشتگلرینی پایلاشاراق، فیفا-نین اجتماعی شبکه حسابلارینین آدرسلرینی ده اتیکتلییه‌جکلر.

خاطیرلاداق کی، تهران‌دا «تراکتور»-«پرسپولیس» اویونون‌دا اون مینلرله «پرسپولیس» ترفداری تورکلره قارشی ایرق‌چی‌لیک شوعارلاری سسلندیره‌رک تحقیرلر یاغدیریبلار. حادثه ایران تلویزییاسین‌دا یاییملاندیق‌دان سونرا فیفا-یا مراجعت کامپانییاسی باشلادیلیب. بو کامپانییادا ۱۸ مین‌دن چوخ تویت پایلاشیلیب. ۳۵ مین‌دن چوخ ایسه اینستاگرام‌دا ایستیفاده‌چی قاتیلیب.

لاکین فیفا-نین مسئول شخصلری مسئله‌یه سس‌سیز قالماق‌دادیر. فارس مطبوعاتی یاشانانلاری بوتونلوکله بایکوت ائدیب.