گونئی آذربایجانین «تراختور» فوتبول کلوبونون ایجراچی دیرکتورو کوروناویروس ائپیدمییاسی ایله باغلی اؤلکه کوبوکو و سوپر لیگ یاریشلارینین دایاندیریلماسینی تکلیف ائدیب.

آخار. آذ-این معلوماتینا گؤره میرمعصوم سهرابی بو باره‌ده «ورزش ۳» سایتینین مخبیرینه آچیقلاما وئریب.

کوروناویروس ائپیدمییاسی ایله باغلی آغیر وضعیت یاراندیغینی بیل‌دیره‌ن میرمعصوم سهرابی بو وضعیت‌ده یاریش، حتی مشقلرین کئچیریلمه‌سینین تهلوکه‌لی اولدوغونو بیلدیریب.

او لیگ تشکیلاتینا یاریشلارین دایاندیریلماسینی تکلیف ائدیب. «حاضیرکی وضعیت‌ده ان دوغرو قرار یاریشلارین دایاندیریلماسی‌دیر. باخمایاراق کی، بیزیم اؤلکه کوبوکو یاریشلارین‌دا چئمپیون اولماق شانسیمیز وار، سوپر لیگ یاریشلارین‌دا دا تورنیر جدولینین بیرینجی پیلله‌لرین‌ده قرارلاشیریق. لاکین ایدمان‌چیلارین حیاتینی تهلوکه‌یه سالماماق مقصدی ایله یاریشلارین دایاندیریلماسینا طرفداریق.»- دئیه او قید ائدیب.