یوخاری

«منچستر»این افسانه‌سی "قاراباغ"این ظفرینی قید ائتدی

آنا صحیفه ایدمان
12 Punto 14 Punto 16 Punto 18 Punto

آوروپا لیگاسینین ۱/۸ فینال مرحله‌سینین پوشک‌آتماسینین کئچیریلدیی یوفا-نین منزل-قرارگاهیندا بیزه چوخ ایستی مناسبت گؤستردیلر.

Axar.az خبر وئریر کی، بو سؤزلری "قاراباغ»این پرزیدنتی طاهر گؤزل یوفا آوروپا لیگاسیندا ۱/۸ فینال مرحله‌سینده آلمانییانین «بایر» کمانداسینا رقیب اولمالاری ایله باغلی کلوبون مطبوعات خدمتینه آچیقلاماسیندا دئییب.

فونکسیونئر آردیجیل ایکینجی دفعه پوشک‌آتمادا اشتراک ائتدیینی بیلدیریب:

«۱/۸ فینالا یوکسلدیکدن سونرا پلی آف‌-ین پوشک‌آتماسیندان داها فرقلی مناسبت گؤردوک. قورومون باش کاتبینین معاونی جورجو مارکتینین و تدبیرین بوتون آپاریجیلارینین «قاراباغ» حاقدا خصوصی دانیشماسی، کماندامیزین ۱/۸ فینالا محتشم مبارزه ایله یوکسلدیینی وورغولاماسی منی غرورلاندیردی. ایرلاندییانین پایتاختی دوبلینده کئچیریله‌جک فینال اویونونون سفیری، «مانچستر یونایتد»این افسانه‌لریندن اولان جان اوشی اؤزو ده بونو خصوصی قید ائتدی".

اونون سؤزلرینه گؤره، آغدام تمثیلچی‌سی «براگا» سددینی کئچمکله بوتون آوروپانی تعجبلندیردی:

"هامی «قاراباغ»آ احتراملا، حیران‌لیقلا یاناشیر. «قاراباغ» سؤزونون، آذربایجان بایراغینین بو سویه‌ده تانینماسی گؤستریر کی، کلوبوموزدا بؤیوک ایش گؤرولوب. من بیر آذربایجانلی کیمی فخر ائدیرم کی، بو مرحله‌یه قدر ایرلیلمیشیک. ۱/۸ فینالدا ان یاخشیلار اویناییر. آوروپادا ۱۰۰۰-دن چوخ کلوب وار و بیز آوروپا لیگاسینین ۱۶ ان یاخشی‌سی آراسینا دوشموشوک. بونون اؤزو تاریخی نائلیتدیر. من خالقیمیزی و عالی باش کماندانیمیزی تبریک ائدیرم».

قید ائدک کی، "قاراباغ" ایله "بایر" آراسیندا ایلک ماتچ مارتین ۷-ده باکی‌دا، جواب قارشیلاشماسی ایسه بیر هفته سونرا لورکوزنده باش توتاجاق.

تاریخ
2024.02.23 / 23:46
مولف
Axar.az
شرح لر
دیگر خبرلر

چمپیونلار لیگاسی: پ.س.ژ «بارسلونا»نی قبول ائد‌جک

همدان‌لی ایدمان‌چی ایرانین ان گوجلو کیشی‌سی سئچیلدی

"قاراباغ" دونیا ریتینگینده ۱۳ پیلله ایر‌لیله‌دی

"تراکتور" سون دقیقه‌لرده غلبه‌نی الدن وئردی

آوروپا بیرینجی‌لیی: بوکسچوموز ۱/۴ فینالدا!

«قاراباغ» - آوروپانین گل ماشینی

«بارسلونا» منیم دینیم‌دیر - خاوی

آفا قارایا گؤره "قاراباغ" جریمه‌له‌دی

« تراکتور» - «سپاهان» کوماندالاری قارشیلاشدی

آذربایجان‌لی قادین تاکووندوچو بولغاریستان ملی ییغماسیندا

خبر خطّی
Axar.az'da reklam Bağla
Reklam
Bize yazin Bağla