تانینمیش کاراته‌چی رافائل آغایئو گینسین رکوردلار کتابینا دوشوب.

Axar.az خبر وئریر کی، کاراته‌نین «قارا بریلیانت»ی فردی یاریشلاردا ان چوخ دنیا چمپیونو اولان ایدمانچی کیمی کتابا علاوه اولونوب.

خاطیرلاداق کی، او، ۲۰۰۶-۲۰۱۶-جی ایللرده فردی کاراته‌ (کمیته) اوزره ۵ دفعه دنیا چمپیونو اولوب.

آغایئو کاراته اوزره -۷۰ کیلوگرام-دا ایکی (۲۰۰۶ و ۲۰۰۸)، -۷۵ کیلوگرام-دا (۲۰۱۰ و ۲۰۱۶) ایکی دفعه و بیر دفعه آچیق چمپیونلوق (۲۰۰۸) قازانیب. او، همچنین ایکی گوموش و ایکی بورونج اولماقلا عمومی‌لیکده دوققوز دنیا چمپیوناتی مدالی الده ائدیب.

۷۵ کیلوگرام چکی درجه‌سینده کاراته‌نین کومیت نوعو اوزره رفائل آغایئو ۲۰۱۵ آوروپا اویونلاریندا ایلک گؤروشو اوکراینالی ایلیا نیکولینه ۳:۰ حسابی ایله غالب گلیب. ایدمان‌چی ایکینجی گؤروشده تورکیه‌لی ائرمان التمورا ۳:۵ حسابی ایله مغلوب اولوب.

گروپون سون گؤروشونده لاتوییالی روسلان سادیقووا ۳:۱ حسابی ایله غالب گلن رفائل آغایئو یاریمفینالا یوکسه‌له بیلیب. او، یاریم‌فینالدا آلمانیا ایدمانچی‌سی نوا بیتچینی ۱:۰ حسابی ایله مغلوب ائد‌رک فینال گؤروشونو ایتالییا ایدمانچی‌سی لویجی بوسا ایله کئچیریب. او، گؤروشون سون ثانیه‌لرینده فرقلنه‌رک بیرینجی آوروپا اویونلارینین چمپیونو آدینی قازانیب، قیزیل مدالا صاحب اولوب.