آذربایجان جودوچوسو هدایت حیدروو بیرلشمیش عرب امیرلیکلرینین پایتاختی ابو-دابی‌ده کئچیریله‌ن دنیا چمپیوناتیندا قیزیل مدال قازانیب.

Axar.az خبر وئریر کی، ۷۳ کیلوگرام‌دا مبارزه آپاران ایدمانچی فینالدا واختین بیتمه‌سینه ۱۰ ثانیه قالمیش رقیبی تاتسوکی ایشیهارانی (یاپونییا) ایپونلا مغلوب ائدیب.

بو، آذربایجان جودو تاریخینده دنیا چمپیوناتیندا قازانیلان ایکینجی قیزیل مکافات‌دیر. بونادک ائلخان ممدوو ۲۰۱۳-جو ایلده بو تیتولا ییلنیب.

بو گون تاتامییه چیخان دیگر آذربایجان جودوچولاری - یاشار نجفوو، کامران سلیمانوو (هر ایکی‌سی ۶۶ کیلوگرام) و آچلیا توپراک (۵۷ کیلوگرام) یاریشی مدال‌سیز باشا ووروبلار.

قید ائدک کی، دنیا چمپیوناتی مایین ۲۳-ده باشا چاتاجاق.