۱۹:۵۱

آذربایجان جودوچوسو هدایت حیدروو «پاریس-۲۰۲۴» یای اولیمپییا اویونلاریندا یاریمفینال گؤروشونه چیخیب.

Axar.az خبر وئریر کی، ۷۳ کیلوگرام چکی درجه‌سینده مبارزه آپاران ایدمانچی فینالا گئدن یول‌دا کوسوولو آکیل گیاکووا ایله قارشیلاشیب.

رقیبینه ایپونلا غالب گلن جودوچوموز حل‌ائدیجی گؤروشه وثیقه قازانیب. بونونلا دا آذربایجان پاریس اولیمپیاداسیندا ایلک مدالی تامین ائدیب.

هدایت حیدروو قیزیل مدال اوغروندا قارشیلاشمادا فرانسالی جان بنژامین گابا ایله اوز-اوزه گله‌جک.

***

آذربایجان جودوچوسو هدایت حیدروو فرانسانین پایتاختی پاریسده کئچیریله‌ن یای اولیمپیا اویونلارینین غالبی اولوب.

۷۳ کیلوگرام چکی درجه‌سینده یئر آلان ایدمانچی فینالدا فرانسالی جون بنژامین گابانی اوسته‌له‌مکله اولیمپیادانین قیزیل مدالینی قازانیب.

قید ائدک کی، مبارزه‌یه ۱/۸ فینالدان باشلایان هدایت بو مرحله‌ده توهار بوتبولا (اسرائیل) غالب گلیب. او، ۱/۴ فینال‌دا آرتور مارگلیدوندان (کانادا)، یاریمفینالدا ایسه آکیل گیاکوودان (کوسووو) گوجلو اولوب.

بو، هدایت حیدروون کاریراسیندا ایلک اشتراک ائتدیی اولیمپیادا اولوب.