قیزیل مدال گؤزلییردیم. فکرلشیردیم کی، فینال‌دا یوز فایز قیزیل گؤتوره‌جه‌یه‌م. اما قسمتیمده گوموش وار ایمیش.

Axar.az خبر وئریر کی، بو سؤزلری پاریس-۲۰۲۴ یای اولیمپیا اویونلاریندا گوموش مدال قازانمیش اوکراینانی تمثیل ائد‌ن آذربایجانلی یونان-روما گولشچی‌سی پرویز نصیبوو دئییب.

۶۷ کیلوگرام چکی درجه‌سینده یئر آلان ایدمانچی هم‌یئرلیسی حسرت جعفروولا قارشیلاشماسی باره‌ده دانیشیب:

«انسانلارین حسرته غالب گلدییم گؤروشدن سونرا ائتدییم غلبه سئوینجی حاقیندا یازدیقلارینی اوخوموشام. قیراقدان نسه دئمک البته کی، آساندیر. اما من همیشه اؤز وطنیم آذربایجانی اوجا توتموشام. هر زمان دئمیشه‌م کی، آذربایجان منیم دوغما ائویم‌دیر. حسرتله مناسبتیم پیس دئییل. او مندن یاشجا بالاجادیر. منیم هئچ بیر آذربایجان ایدمانچی‌سی ایله پروبلمیم اولماییب. اونو بورونج مدال قازانماسی مناسبتیله تبریک ده ائتدیم».

او، نوبتی هدفینین لوس-آنجلس-۲۰۲۸-ده قیزیل مدال قازانماق اولدوغونو سؤیله‌ییب:

«امید ائدیرم کی، اولیمپیادالاردا قازاندیغیم ۲ گوموشو ۲۰۲۸-جی ایلده بیر قیزیلا دییشه‌جه‌یه‌م».