اراک شهریندن اولان آذربایجانلی داغچی ۶۰ یاشلی حسن صفری ایرانین البرز داغیندا ایتکین دوشوب.

Axar.az خبر وئریر کی، بو باره‌ده اونون عائله‌سی معلومات یاییب.

بیلدیریلیب کی، آذربایجانلی آلپینیست سنتیابرین ۱۸-ده البرزون زیروه‌سی دماونده یولا دوشوب، اونو زیروه‌یه قالخان واخت ایکی باشقا آلپینیست گؤروب.

"دئییلنه گؤره او زیروه‌دن قاییدان زامان هاوا بولوتلو اولوب، بونا گؤره ده، صفرینین یولو ایتیردیی احتمال اولونور"،- معلوماتدا بیلدیریلیب.

سفرینین عائله‌سی قیزیل آیپارا جمعیتی و باشقا علاقه‌دار دولت قوروملارینین آختاریش عملیاتلارینین کفایت قدر اینتنسیو آپاریلمادیغینا گؤره، داغچیلارا مراجعت ائدیب و اونلاردان آذربایجانلی آلپینیستین تاپیلماسی اوچون سفربر اولمالارینی خواهیش ائدیبلر.

قید ائدک کی، بوندان اول آوگوستون ۱۶-دا تبریزلی آلپینیست امیر صفری ده عینی یئرده ایتکین دوشوب و بو گونه کیمی اونون تالعیندن خبر یوخدور.