ایرانین اسرائیله راکت هجوموندان سونرا یارانان گرگینلیک و اسرائیلین ممکن جواب ضربه‌سی تهلوکه‌سینه گؤره، آسیا فوتبول کونفدراسیاسی بو اؤلکه‌ده کئچریلمه‌سی پلانلاشدیریلان فوتبول یاریشلارینی لغو ائدیب.

Axar.az خبر وئریر کی، بو باره‌ده آسیا فوتبول کونفدراسییاسی سایتین‌دا معلومات یاییلیب.

بیلدیریلیب کی، آسیانین "الیت لیگاسی" و "چمپیونلار لیگاسی ۲" اویونلاری چرچیوه‌سینده کئچیریله‌جک قارشیلاشمالار باشقا اؤلکه‌لرده کئچیریله‌جک.

بونا گؤره ده، تبریزین "تراکتور" کلوبو ایله تاجکستانین "روشن" کلوبو، ائلجه ده تهرانین "استقلال" کلوبو ایله سعودییه عربستانین "النصر" کلوبو اماراتین دوبی شهرینده قارشیلاشاجاقلار.

"آسیا فوتبول کونفدراسیاسینین نوبتی بیلدیریشینه قدر ایران شهرلرینین آسیا کوماندالاری و یاریشلارینا ائو صاحب‌لییی ائتمک اوچون کفایت قدر تهلوکه‌سیزلییه مالک دئییللر"،- کونفدراسیانین یایدیغی معلومات‌دا قید اولونوب.