کئچمیش دنیا چئمپیونو مایک تایسون معاصر دورون ان یاخشی بئش بوکسچوسونو آچیقلاییب، لاکین سیاهییا آغیر چکی‌دن هئچ بیر بوکسچونو داخیل ائتمه‌ییب.

Axar.az - خبر وئریر کی، دمیر مایکین سؤزلرینی "Pound 4 Pound with Kamaru & Henry" یوتوب کانالی یاییملاییب.

"حاضردا منه گؤره ان یاخشی بئش بوکسچو کیملردیر؟ بورایا داوید بناویدسی، ترنس کرووفوردو، اررول ایسپنسی، شاکور ایستیونسونو و گروونتا دویسی داخیل ائدردیم»، - تایسون بیلدیریب.

قید ائدک کی، ۱۵ نویابردا تایسون بلوگر جیک پول ایله دؤیوش کئچیره‌جک.

سون دؤیوشونده پول کئچمیش او.ف.ک دؤیوشچوسو مایک پرری اوزرینده واختیندان اول غلبه قازانیب (بوکستا ۰-۲). دؤیوش کریسر چکیسی لیمیتینده (۹۰،۷ کیلوگرامادک) باش توتوب.

تایسون پئشه‌کار بوکس کاریراسینی ۲۰۰۵-جی ایلده باشا ووروب. او، عمومی‌لیکده ۵۸ دؤیوش کئچیریب (۵۰ غلبه و ۶ مغلوبیت، ایکی دؤیوش نتیجه‌سیز باشا چاتیب). نویابر ۲۰۲۰-جی ایلده مایک روی جونس ایله نماییش دؤیوشونده اشتیراک ائدیب. دؤیوش ایکی دقیقه‌لیک سککیز راونددان عبارت اولوب و هئچ-هئچه ایله یکونلاشیب.

مایک WBC، WBA و IBF وئرسییالاری اوزره چمپیونلوق تیتوللارینی قازانمیش تاریخده‌کی ان گنج بوکسچو حساب اولونور. او، عینی زاماندا WBC، WBA و IBF کمرلرینی عینی آندا الده ائد‌ن ایلک آغیر چکیلی بوکسچودور.