زنجان‌لی ایدمان‌چی الناز رکابی دنیا قایایا دیرمانما فدراسییاسی طرفیندن اولیمپیا اویونلارینا گنج نمونه کیمی تقدیم ائدیلیب.

Axar.az خبر وئریر کی، بو باره‌ده فدراسییانین یایدیغی معلومات‌دا بیلدیریلیب.

آذربایجان‌لی ایدمان‌چی ۲۰۲۲-جی ایلده جنوبی کورئیادا کئچیریلن آسیا چمپیوناتینین فینال مرحله‌سینده حجاب‌سیز اشتراک ائدیب.

رکابی‌نین یاریشمالاردا حجاب‌سیز اشتراکی ایله باغلی شکیللرینین یاییلماسی ایرانلی گنجلر آراسیندا رغبتله قارشیلاشیب.

بو سبب‌دن ده الناز رکابی ۲۰۲۲-جی ایلده بی.بی.سی.نین ترتیب ائتدیی دنیانین ۱۰۰ نفوذلو قادینی سیاهی‌سینا داخل ائدیلیب.

قید ائدک کی، الناز رکابی ایرانا قاییتدیقدان سونرا حکومتین تضییقلری ایله اوزلشیب و یاریشاردا اشتراکینا قاداغا قویولوب.