کاریراسینی "النصر"ده داوام ائتدیره‌ن پرتقالیالی اولدوز فوتبولچو کریستیانو رونالدو اسپانییانین "والنسیا" کلوبونو ساتین آلماغا حاضرلاشیر.

Axar.az خبر وئریر کی، معلوماتی "فوت مرساتو" نشری یاییب.

ادعایا گؤره، رونالدو ایله "والنسیا"نین صاحبی پیتر لیم آراسیندا مسئله ایله باغلی دانیشیقلار آپاریلیب.

بیلدیریلیب کی، راضی‌لیق الده اولونسا، پرتقالیالی فوتبولچو کلوبون اساس سهمداری اولا بیلر.

قید ائدک کی، کاریراسینی بیتیردیکدن سونرا اسپانیادا یاشاماق ایسته‌یه‌ن رونالدو بو بؤیوک عملیاتی حیاتا کئچیرمک اوچون سعودیه عربستانی کرال عائله‌سینه باغلی اینوستیسیا فوندلاریندان مالیه دستیی آلاجاق.

خاطرلاداق کی، ۱۹۱۹-جو ایلده قورولان "والنسیا" کلوبونون آکتیوینده ۶ لا لیگا چمپیونلوغو، ۱ اویفا کوبوکو، ۱ اویفا کوبوکلار کوبوکو و ۲ اویفا سوپر کوبوکو موجوددور.