مرکزی بانک اؤلکه‌نین پول و مزننه سیاستینه تک‌باشینا جوابده‌دیر و کنکرت اولاراق والیوتا مزننه‌لری و انفلیاسییا ایله باغلی مسئله‌لرده بیرینجی و سونونجو مسئول حساب اولونور.

Axar.az خبر وئریر کی، بونو ایرانین اقتصادیات ناظری علی مدنی‌زاده دئییب.

"اقتصادیات ناظری هئچ بیر حال‌دا مرکزی بانکین قبول ائتدیی والیوتا و پول سیاستینه گؤره مسئولیت داشیمیر»، او دوللارین ایران پولو قارشی‌سیندا باهالاشماسینا عایید تنقیدلره جواب اولاراق بیلدیریب.

ناظر، اؤلکه والیوتاسینین دیردن دوشمه‌سینه گؤره مرکزی بانکین صدرینین جوابده اولدوغونو سؤیله‌ییب:

"پارلامنتین تصدیق ائتدیی قانونا اساساً، پلان-بودجه تشکیلاتینین رهبری و اقتصادیات ناظری استثنا اولماقلا، مرکزی بانکین عالی مشاهده شوراسی‌نین بوتون عضولرینی مرکزی بانکین صدری سئچیر».

قید ائدک کی، سون معلوماتا گؤره، ایرانین آزاد بازارین‌دا هر ۱ آمریکا دوللارینین دیری ۱۱۴ مین ۳۰۰ تومنه چاتیب.