بیر نئچه گون اؤنجه تورکییه ده سورعتله قالخاراق, 3.54 لیره ایله ماکسیموما یوکسَله ن دلار قیسا موددت سونرا اوجوزلاشیب.

آخار.آذ خبر وئریر کی, حاضیدا تورکییه ده 1 دللار آرتیق 3.37 لیره یه ائنیب. دللارین بو جور اوجوزلاشماسینا سبب کیمی ایسه تورکییه پرئزیدئنتی رجب طیب اردوغانین خالقا "یاستیغینیزین آلتینداکی دلاری لیره یه دَییشین" دئیه موراجیعت ائتمه سی و لیره نی قورویاجاغینا وعد وئرمه سی, همچینین روسییا, او جومله دن ایران, آذربایجان, چین و ... اؤلکه لره تیجارتی میللی والیوتا ایله آپارماق اوچون موذاکیره لره باشلاماسیدیر.

اردوغانین بو چاغیریشی نین هئچ بیر نتیجه وئرمیه جه یینی پروقنوُزلاشدیران ایقتیصادچیلار دا حاضیردا حئیرتده دیلر. گؤرونن اودور کی, تورکییه خالقی اؤز لیدئرینه اینانیر و خالقین دستک وئردییی لیدئر ده مومکونسوزو مومکون ائده بیلیر.

بو آرادا شیمال قونشوموزدا دللار سون بیر هفته ده اوجوزلاشماقدا دَوام ائدیر. اؤتن هفته 64.14 روبلا قَدر اوجوزلاشان دللار حاضیردا 63.42 روبلدا قرارلاشیب.

ایراندا ایسه نئفتین باهالاشماسی ایله کَسکین دوشن دللار بو گون یئنیدن 39200ریالا (3920تومن) قالخیب. ائکسپئرتلر بونو ایرانین میللی پول واحیدی رییالین آدینی اؤلکه ده داها چوخ ایشله نن تومن آدینا دَییشمه و سونداکی بیر صیفیری پوزما قراری ایله ایضاح ائدیرلر.