ایران آذربایجاندان کئچمکله موستقیل دؤولتلر بیرلی یی اؤلکه لرینه کند تصروفاتی محصوللارین ایخراجیندا ماراقلیدیر.

آذربایجان رئسپوبلیکاسی کند تصروفاتی ناظیرلی یین موعاوینی ایلهام قولی یئو ایران ایسلام رئسپوبلیکاسینین گولوستان اَیالَتی نین والیسی حَسن صادیقی نین رهبرلیک ائتدیگی نوماینده هئییتی ایله گؤروشوب.

ناظیرلی یین مطبوعات خیدمتیندن آذرتاجا بیلدیریبلر کی, ناظیر موعاوینی ایلهام قولی یئو گؤروشده آذربایجان رئسپوبلیکاسی ایله ایران ایسلام رئسپوبلیکاسی آراسیندا سیاسی, ایقتیصادی او جومله دن کند تصروفاتی ساحه سینده علاقه لرین یوکسک سوییه ده اولدوغونو وورغولاییب. ناظیر موعاوینی اؤلکه رهبرلیگی نین آقرار ساحه یه گؤستردیگی دیققت و قایغی, دؤلت طرفیندن کند تصروفاتی نین موختلیف ساحه لرینه آیریلان سوبسیدییالار, ایخراج یؤنوملو ساحه لر, خوصوصس ایله پانبیقچیلیق, باراماچیلیق, توتونچولوک و چایچی لیغا دیققت یئتیریلدیگی بارَده گئنیش معلومات وئریب.

حسین صادیقلی گولوستان ایالتینین ایرانین کند تصروفاتینین اینکیشافیندا اؤنملی یئر توتدوغونو, ایلده 1.5 میلیون تُن تاخیل ایستئحصال ائدیلدی یینی قئید ائدیبب. حسن صادیقی ایالتین کیفییتلی تویوق اَتی ایستئحصالینی, وورغولاییب.

بو ساحه لرده گئنیش اَمکداشلیق ایمکانلارین مؤجود اولدوغونو دئیه ن والی آذربایجانین ترانزیت ایمکانلاریندان ایستیفاده ائتمکله ایراندان روسییا و دیگر موستقیل دؤولتلر بیرلی یی اؤلکه لرینه کند تصروفاتی محصوللارینین ایخراجی نین مومکونلویونو دیققته چاتدیریب.