نئفت ایخراج ائد‌ن اؤلکه‌لر تشکیلاتی (اوپئک) ایله الده ائدیلن نئفت حاصیلاتینین آزالدیلماسینا دایر سازیشه بوتون اؤلکه‌لرین عمل ائتمه‌سینی گؤزلییریک.

آخار. آذ خبر وئریر کی، بونو روسییانین ائنئرگئتیکا ناظری آلئکساندر نوواک دئییب.

نئفت حاصیلات‌چی‌سی اؤلکه‌لرین ویانا راضیلاشماسینا رعایت ائتمه‌مه‌سی اوچون هر هانسی بیر سبب گؤرمدیینی بیل‌دیرن نوواک دئییب: «اؤلکه‌لر آراسین‌دا اعتیمادی داوام ائتدیرمک لازیم‌دیر. یوخسا گله‌جک‌ده اوخشار بیر سازیشین ایمضالانماسی ایمکان‌سیز اولار. اوپئک ایله نئفت حاصیلاتینین آزالدیلماسینا دایر الده ائدیلن راضیلاشمایا بوتون طرفلرین عمل ائتمه‌سی لازیم‌دیر».

روسییانین بو ایل نئفت حاصیلاتینین اؤتن ایله نیسبتا ۲،۵ فایز آرتاراق ۵۴۷،۵ میلیون تونا چاتدیغینی بیل‌دیرن ناظر اؤلکه‌نین دنیز یاتاقلارین‌داکی نئفت ایستحصالینین ایسه ۱۱،۵ فایز آرتاراق ۲۱،۳ میلیون تن تشکیل ائتدیینی دئییب.

قئید ائدک کی، اوپئک و کارتئله عضو اولمایان ۱۱ نئفت حاصیلات‌چی‌سی اؤلکه‌سی، او جمله‌دن آذربایجان دئکابرین ۱۰-دا ویانادا گون‌دلیک نئفت حاصیلاتینین تخمیناً ۱،۸ میلیون باررئل آزالدیلماسی ایستیقامتین‌ده قرار قبول ائدیبلر.