روسییانین «گازپروم» شیرکتی شیمال آخینی-۲ گاز کمرینین تیکینتی‌سینی تکباشینا مالیلش‌دیره‌جک.

آخار. آذ خبر وئریر کی، بو باره‌ده اینفورماسییانی «دئر ایستاندارت» قزئتی اؤزونون اعتبارلی منبع‌لرینه ایستینادا یاییب. قزئت بونا سبب کیمی «گازپروم»اون آوروپالی طرفداشلارینین بو لاییحه‌نی مالیه لشدیرمک‌دن ایمتینا ائتمه‌سینی گؤستریب:

«گازپروم آرتیق شیمال آخینی-۲ گاز کمری لاییحه‌سین‌ده تکباشینا قالیب. «انگیه»، اومو، «شل»، «وینترشول» کیمی شیرکتلر لاییحه‌ده ایشتیراکدان ایمتینا ائدیبلر. «گازپروم» ایندی اول پلانلاشدیردیغیندان ایکی دفعه چوخ خرجله‌مه‌لی اولاجاق. او، گاز کمرینین تیکینتی‌سی اوچون ۱،۷۵ میلیارد آورو اؤد‌مه‌لی‌دیر».

قید ائدک کی، شیمال آخینی-۲ لاییحه‌سینه اساساً گقاز کمری روسییا بالتیک دنیزینین دیبی ایله آلمانییایا چکیلمه‌لی‌دیر. بو گاز کمری ایلده آوروپانی ۵۵ میلیارد کوب متر گازلا تجهیز ائتمک ایمکانین‌دا اولاجاق.