اؤتن ایل شراب ایخراجی ۳،۵ میلیون آمئریکا دوللاری تشکیل ائدیب.

آخار .آذ خبر وئریر کی، بو باره‌ده شراب ایستئحصال‌چیلاری و ایخراجات‌چیلاری آسسوسیاسییاسینین صدری ائلچین مدتوو «آذربایجان رئسپوبلیکاسی رئگیونلارینین ۲۰۱۴-۲۰۱۸-جی ایللرده سوسیال-اقتصادی اینکیشافی دؤولت پروگرامی»نین ایجراسینین اوچونجو ایلینین یئکونلارینا حصر اولونان کونفرانس‌داکی چیخیشین‌دا معلومات وئریب.

او دئییب کی، اؤلکه‌میزین آیری-آیری بؤلگه‌لرین‌ده اوزومچولوک ساحه‌لری گئنیشلندیریلیر، یئنی اعمال موسسیسه‌لری آچیلیر، شراب ایستئحصالینین چئشیدی ایسه آرتیریلیر. داخیلی بازاردا آرتیق یئنی ترئند عمله گلیر. ایستئهلاک‌چیلار اؤلکه‌میزده ایستئحصال اولونان شرابلارا اوستونلوک وئرمه‌یه باشلاییرلار. بو ساحه‌نین اینکیشافینا اقتصادیات ناظیرلیینین ساحیبکارلیغا کؤمک میللی فوندو طرفین‌دن ۴۰ میلیون ماناتادک گذشتلی کرئدیت وئریلیب.

«شرابلاریمیز خاریجی بازارلاردا اؤز موشتریلرینی تاپماغا باشلاییب. اؤتن ایل ایخراجیمیز ۳،۵ میلیون آمئریکا دوللاری تشکیل ائدیب. ۲۰۱۶-جی ایلده تصدیق ائدیلمیش ایخراجات‌چیلارا دستک مئخانیزملری و «مادئ این آذربایجان» برئندینین تشویقی تدبیرلری شراب ایخراجات‌چیلارینا بؤیوک ایستیمول یارادیب. بئله کی، اؤتن ایلین نویابر آیین‌دان بو گونه کیمی شراب و کونیاک محصوللارینین ایخراجینا گؤره ۴۴۰ مین مانات مبلغین‌ده ایخراج تشویقینین ساهیبکارلارا اؤده نیلمه‌سینه دایر مووافیق قرارلار قبول ائدیلیب. شراب‌چیلاریمیز چینه و آلمانییایا تشکیل اولونموش ایخراج میسسییالارین‌دا، بئلاروس‌دا ایشگوزار گؤروشلرده، آزپرومو-نون تشکیلات‌چی‌لیغی ایله چوخسای‌لی بیزنئس فوروملاردا ایشتیراک ائدیب، محصوللارینی تشویق ائتمک ایمکانی قازانیب و اوغورلو نتیجه‌لر الده ائدیب. جاری ایلده ایسه دونیادا ان اؤنم‌لی ساییلان چین و آلمانییادا کئچیریله‌ن ایکی بئین الخالق شراب سرگی‌سینده آذربایجانین واحید اؤلکه ایستئن‌دی آلتین‌دا ایشتیراک ائده جه ییک، موختلیف ایخراج میس‌سییالاری ایله شرابلاریمیزی اؤلکه خاریجین‌ده تانیداجاغیق»، - دئیه ائ.مدتوو علاوه ائدیب.