ایستانبولون ائو صاحب‌لیگی ائتدیی ۲۲-جی دونیا نفت کنگرسی چرچیوه‌سینده ایولون ۱۰-دا پرزیدنتلرین تدبیری کئچیریلیب.

آخار. آذ خبر وئریر کی، آذربایجان رسپوبلیکاسینین پرزیدنتی ایلهام علیئو تدبیرده ایشتیراک ائدیب.

نفت و گاز صنایع‌سینین ان بؤیوک و نفوذلو تدبیری اولان دونیا نفت کنگرسی اوچ ایلده‌ن بیر کئچیریلیر. ایستانبولدا "انرژی گلجییمیزه کؤرپولر" شعاری آلتین‌دا تشکیل اولونان ۲۲-جی دونیا نفت کنگرسینه ۱۰۰-دن چوخ اؤلکه‌دن ۵۰ ناظر، ۵ میندن چوخ دؤولت نماینده‌سی و شیرکت رهبرلری قاتیلیب.

کنگرسین اساس تشکیلاتچی‌سی اولان دونیا نفت شوراسی ۱۹۳۳-جو ایلده یارادیلیب. دونیا نفت شوراسی نفت و گاز صنایع‌سی اوزره مهم مسئله‌لرین مذاکیره اولوندوغو و واجیب قرارلارین قبول ائدیلدیی بین الخالق پلاتفورمادیر. بیطرف و غیری-سیاسی قوروم اولان دونیا نفت شوراسی بو ساحه‌ده علمی یئنی‌لیکلرین تطبیقی، تخنولوژی و اینفورماسییا مبادیله‌سی، دونیانین نفت احتیاطلاریندان داواملی و هامینین ریفاهینا خیدمت ائد‌جک شکیلده ایستیفاده اولونماسی ایستیقامتلرینده فعالیت گؤستریر. یئتمیش عضو اؤلکه‌نی بیرلشدیرن دونیا نفت شوراسی دونیادا نفت-گاز ایستحصال‌چیلاری و ایستهلاک‌چیلارینین ۹۶ فایزینی احاطه ائدیر.