"ایران دمیر یوللاری"نین رهبرلیگی اعلان ائدیب کی، آذربایجانلا ایرانین سرحدده یئرلشن آستارا شهرینده دمیریول ترمینالینین اینشاسی و ایستیثماری حاقیندا اینوستیسییا سازیشی ایمضالانیب.

رئپورت خبر وئریر کی، اینوستیسییا سؤودلشمه‌سی "آذربایجان دمیر یوللاری" قسج ایله "ایران ایسلام رسپوبلیکاسی دمیر یوللاری" (قیسالدیلمیش "رای") نقلیات شیرکتی آراسیندا تیکینتی مرحله‌سینده اولان آستارا دمیر یولو ایستانسییاسیندا ایمضالانیب.

سازیشین شرطلرینه اساساً، آذربایجان حکومتی ایران لاییحه‌سینه ۶۰ میلیون دوللار یاتیرماغا راضیلاشیب.

بوندان باشقا، ایکی طرف آراسیندا مقاویله‌نین مدتی بیتدیکدن سونرا آستارا ترمینالیندا اولان بوتون اوبیکتلر تام اولاراق ایرانا تحویل وئریله‌جک.

رای-نین رسمی شخصلرینین سؤزلرینه گؤره، آذربایجان طرفی ایران اراضیسیندن آزی ایکی میلیون تون یوک داشیماغا راضیلیق وئریب کی، بو دا ایران ایسلام رسپوبلیکاسی اوچون بؤیوک گلیرلر گتیریب چیخاراجاق.

بو ایستانسییا شیمال-جنوب بینلخالق نقلیات دهلیزینین یارادیلماسی اوزره لاییحه چرچیوه‌سینده تیکیلیر.