جاری ایلده اجنبیلرین تورکییه‌ده ائتدیی آلیش-وئریشین حجمی آچیقلانیب.

آپا خبر وئریر کی، معلوماتلاری "گلوبال بلو تورکیه" شیرکتی تقدیم ائدیب.

شیرکتین باش دیرکتورو سلیم شیهون بیلدیریب کی، سیاهینین ایلک پیلله‌سینده سعودییه عربیستانی قرارلاشیب. بئله کی، سعودییه عربیستانی وطنداشلاری حسابات دؤورونده تورکییه‌ده ۴۵،۳ ملیون. لیرلیک آلیش-وئریش ائدیب. ایکینجی یئرده کویت (۳۵،۳ ملن. لیره)، اوچونجو یئرده ایران (۳۳،۲ ملیون. لیره)، دؤردونجو یئرده چین (۲۳،۶ ملن. لیره) قرارلاشیب.

ایلک بئش‌لیگی آذربایجان قاپاییر: بئله کی، آذربایجان وطنداشلاری بو ایلین ایلک یاریسیندا قارداش اؤلکه‌ده ۱۸،۷ ملیون. لیره (۹ ملن. مانات) خرجله‌ییب. "اؤلکه‌میزه سفر ائد‌ن آذربایجان وطنداشلاری اورتا حسابلا ۲۱۶۵ لیره (۱۰۴۴ مانات) مبلغین‌ده خرج چکیب"، - دئیه شیرکت رهبری قید ائدیب.

بوندان باشقا، آذربایجان وطنداشلاری تورکییه‌ده ان چوخ ساعت و قیزیل-زینت اشیالاری آلانلارین سیراسیندادیر. عمومی آلیشلارین ۶%-ی محض آذربایجان وطنداشلارینین پایینا دوشور.