«ایران آذربایجانلا تیجارت علاقه‌لرینی ایکی دفعه آرتیرماغی قارشی‌سینا مقصد قویوب».

آخار. آذ خبر وئریر کی، بونو ایرانین تیجارت، صنایع و معدن ناظرینین معاوینی سعید زرندی دئییب.
او بیلدیریب کی، غیری-نفت محصوللارین ایخراجاتی ساحه‌سین‌ده ایکی اؤلکه آراسین‌دا امکداش‌لیق اوچون گنیش پوتنسیال مؤوجوددور و بونا گؤره اونلار امکداشلیغی گئنیشلندیرمک نیتینددیرلر: «ایکی و یا اوچ ایللیک بیر زامان کسیین‌ده اؤلکه‌لر آراسین‌دا علاقه‌لرین ایکی دفعه آرتیریلماسینی ایستییریک».

زرندی ایران‌دا آذربایجانا ایخراجاتین حجمینین ۴۰۰ میلیون دلار حجمین‌ده اولدوغونو وورغولاییب.

«مشترک اقتصادی کمیسییانین ایجلاسلارینین داواملی کئچیریلمه‌سی و ایکی اؤلکه‌نین دمیر یوللارینین بیرلشدیریلمه‌سی ایکی طرفلی علاقه‌لرین اینکیشافین‌دا بؤیوک دییشیکلیک یارادا بیلر. هر ایکی اؤلکه خالقینین مدنیت و یاخین‌لیغی دا مؤوجود علاقه‌لرین اینکیشافینا زمین یارادیر»، - ناظر معاوینی قید ائدیب.