ایرانین میللی نفت شیرکتی ۲۷ آوقوست‌دا ۲ میلیون بارل آغیر خام نفتی انرژی بیرژاسین‌دا ساتیشا چیخاراجاق.

بو باره‌ده آخار. آذ ایرانین میللی نفت شیرکتینین اینفورماسییا پورتالینا ایستینادا معلومات وئریب.

معلوماتا گؤره، خام نفتین هر بیر بارلینین ایلکین قیمتی ۵۰،۳۷ دلار اولاجاق.

ایرانین جاری ایل (۲۱ مارت ۲۰۱۹-دان باشلایاراق) بودجه قانونونا اساساً، ایرانین نفت ناظرلیگی آیدا ۲ میلیون بارل یونگول خام نفتی، ۲ میلیون بارل آغیر خام نفتی و ۲ میلیون بارل قاز کوندنساتینی انرژی بیرژاسین‌دا ساتیشا چیخارمالی‌دیر.

ایران انرژی بیرژاسین‌دا ۲۱ مارت ۲۰۱۹-دان باشلایاراق ۷ دفعه آغیر خام نفتی ساتیشا چیخاریب. ایندیدک ۷۰ مین بارل آغیر خام نفت انرژی بیرژاسین‌دا ساتیلیب.

موشتریلر آلقی-ساتقی‌دان سونرا ۳ آی عرضین‌ده ایرانین میللی نفت شیرکتینین تصدیقلدیی مکانلاردا نفتی تحویل آلا بیلرلر.

عمومی‌لیک‌ده ایران ۲۸ اوکتیابر ۲۰۱۸-جی ایلده‌ن باشلایاراق انرژی بیرژاسین‌دا خام نفت و قاز کوندنساتلارینی ساتیشا چیخاریب. لاکین ایندیدک ۱،۰۸۵ میلیون بارل خام نفت انرژی بیرژاسین‌دا ساتیلیب