ایرانین گونده‌لیک نفت ایخراجی نویابر آیین‌دا ۲۱۳ بارئله دوشوب.

بو باره‌ده کپلئر انرژی اینفورماسییا و نفت تانکرلرینین حرکتینی ایزله‌مه قورومونون حساباتین‌دا معلومات وئریلیب.

بو گؤستریجی ایله ایران اوپئک-این ۱۴ عضو اؤلکه‌سی آراسین‌دا گابن و گینه‌دن سونرا ان آز نفت ایخراج ائد‌ن اؤلکه اولوب.

سانسکییالاردان اؤنجه ایران گون‌ده‌لیک ۲.۵ میلیون بارئل نفت ایخراج ائتمکله، عربیستان، عراق و امارات‌دان سونرا دؤردونجو ان بؤیوک نفت ایخراجاتچی‌سی، عینی زامان‌دا عربیستان و عراق‌دان سونرا اوچونجو ان بؤیوک ایستحصال‌چی ایدی.

آمریکا کئچن ایل ایرانا قارشی نفت سانکسییالاری ایجرا ائدیب و بو ایلین آپرئلیندک ۸ اؤلکه‌یه ایران‌دان محدود حجم‌ده نفت آلماغا اجازه وئریب.

بو ایلین اولین‌دن مای آیینا قدر ایرانین اورتا نفت ایخراجی تقریباً، ۱ میلیون ۳۳۰ مین بارل ایدی. او واخت‌دان بری نفت ایخراجی کسکین شکیل‌ده آزالاراق جاری ایلین ایون-نویابر آیلارین‌دا اورتا حسابلا ۳۴۶ مین بارل اولوب.

نویابر آیین‌دا ایرانین نفت ایخراجی ۲۱۳ مین بارئله دوشدویو حال‌دا، معلوماتلارا گؤره، دؤولت گلن ایلین بودجه‌سین‌ده نفت ایخراجینی ۸۷۰ مین بارل نظرده توتوب.