ایران و آذربایجان آراسین‌دا تیجارت دؤورییه‌سینین جاری ایلده (۲۱ مارت ۲۰۱۹-دان - ۲۱ مارت ۲۰۲۰-دک) ۱۰۰% آرتاجاغی پروقنوز ائدیلیر.

آخار. آذ خبر وئریر کی، بونو ایران و آذربایجان بیرگه تیجارت پالاتاسینین ایران‌لی باش کاتیبی حسین وثوقی ایرانی دئییب.

وثوقینین سؤزلرینه گؤره، جاری ایلین ۸ آیی عرضین‌ده (۲۱ مارت -۲۱ نویابر) ایرانین آذربایجانا محصول ایخراجینین دیری ۳۸۰ میلیون دلارا چاتیب:

«ایرانین ایخراج ائتدیی محصوللار اساساً تیکینتی ماتریاللاری، ارزاق ماده‌لری، مئیوه و تروز، کاوچوک ماتئریاللاری، نفت-کیمیا محصوللارینین خام مالی اولوب».

ایران‌لی باش کاتیبین سؤزلرینه گؤره، اؤلکه‌سی تخمیناً ۴۰۰-۵۰۰ نؤع محصولو آذربایجانا ایخراج ائدیب.

وثوقی ایرانی بیلدیریب کی، ایران آذربایجان‌دان اساساً حیوان یئمی، سویا سیخیلمیشی (جیمیخ) و بعضی ارزاق مادده‌لری، کند تصروفاتی محصوللاری ایدخال ائدیب.

ایران آذربایجان‌دا آوتوموبیلقاییرما، اجزاچی‌لیق، یئنی تئخنولوگییالار ساحه‌سین‌ده اینوئستی‌سییالار یاتیریب. بونونلا یاناشی آذربایجان‌لی اینوئستورلار ایرانین بعضی ویلایتلرین‌ده موختلیف سئکتورلاردا یاتیریملار ائدیبلر:

«پروقنوز اولونور کی، ایکی اؤلکه آراسین‌دا آوتومبیل احتیاط حیسه‌لری، صنایع آوادان‌لیقلار، ارزاق محصوللاری ایستحصال ائد‌ن صنایع آوادان‌لیقلاری ساحه‌سین‌ده گلن آیلاردا موبادیله‌لر حیاتا کئچیریله‌جک».

قید ائدک کی، ایرانین تیجارت اینکیشافی تشکیلاتینین حساباتینا اساساً، اؤتن ایران ایلین‌ده (۲۱ مارت ۲۰۱۸-دن - ۲۱ مارت ۲۰۱۹-دک) ایران آذربایجانا ۴۱۱ میلیون دلار دیرین‌ده محصول ایخراج و آذربایجان‌دان ۲۶ میلیون دلار دیرین‌ده محصول ایدخال ائدیب.