«توتال» و «سی ان پی» کیمی ایکی نهنگ شیرکت «جنوبی پارس» لاییحه‌سین‌دن چیخیب.

بو باره‌ده ایرانین نفت ناظری بیژن زنگه‌نه معلومات وئریب. او بیلدیریب کی، هر ایکی شیرکت «جنوبی پارس» گاز یاتاغینین ۱۱-جی بلوکو راضیلاشماسین‌دان تمامیله چیخیب. زنگه‌نه، «جنوبی پارس» گاز یاتاغینین ۱۱-جی بلوکونون سون اینکیشاف دورومونا توخونوب.

«بو ایکی شیرکتین لاییحه‌دن چیخماسی ایله، لاییحه تامامیله «پتروپارس»این ایختیارینا کئچیب. «پتروپارس» یالنیز ایلک مرحله‌نی اینکیشاف ائتدیره بیله‌جک. ایکینجی مرحله‌نین داوام ائتدیریلمه‌سی تکنولوژی و ایستروکتور جهتدن مومکون دئییل».

نفت ناظری وورغولاییب کی، «پتروپارس» شیرکتی قویولارین قازیلماسی اوچون ضروری ماللارین تداروکو باره‌ده مقاویله ایشلرینه باشلاییب.