آنا صحیفه ایقتیصادیات |
آپرلده ایراندا گوندهلیک نفت حاصیلاتی آزالاراق ۱ میلیون ۹۶۹ مین بارله دوشوب.
آخار. آذ خبر وئریر کی، مارت آیی ایله مقاییسهده نفت حاصیلاتی سوتکادا ۵۳ مین بارل آزالیب.
قید ائدک کی، سانکسییالاردان اول ایراندا گوندهلیک حاصیلاتی ۳ میلیون ۸۲۰ مین باررئل ایدی. نفت حاصیلاتینین آزالماسینین سببی اوندان عبارتدیر کی، سانکسییا و کوروناویروس پاندمییاسی ایله علاقدار اؤلکه اقتصادیاتیندا ضعیفلهمه مشاهیده اولونور، بو دا یاناجاغا اولان طلباتین آزالماسینا گتیریب چیخاریب. حاضردا ایرانین داخیلینده نفته تلبات سوتکادا ۱۲۰ مین بارلدیر. حالبوکی بیر نئچه آی اول اؤلکه داخیلی طلبات گوندهلیک ۱،۸ میلیون بارل تشکیل ائدیردی.
سانکسییالارین مؤوجود اولماسینا باخمایاراق، ایران بیر سیرا اؤلکهلره نفت ساتا بیلیردی. کوروناویروس پاندمییاسی نتیجهسینده بوتون دونیادا طیاره ریسلرینین تخیره سالینماسی تلباتی کسکین شکیلده آزالدیب کی، بو دا ایرانا والیوتا داخیل اولماسینی اهمیتلی درجهده انگللهییب. ایراندا باش وئرهن اینفلیاسییا و گوندهلیک طلبات محصوللارینین قیمتینین باهالاشماسی دا محض والیوتا قیتلیغینین نتیجهسیدیر.
اونون دا نظره چاتدیراق کی، ایران اوزون مدت سانکسییالارا معروض قالسا دا بورادا ونزوئلا، کوبا، نکاراگوا و باشقا سانکسییا آلتیندا اولان اؤلکهلر کیمی ارزاق قیتلیغی و گوندهلیک تلبات ماللارینین چاتیشمازلیغی حس اولونموردو.
سانکسییا رژیمینه آداپتاسییا اولونان ایران اقتصادیاتی داخیلی ایستحصال حسابینا هله ده آیاقدا قالماغی باجاریر. بو گون ایران نینکی اؤزونو ارزاق محصوللاری ایله تعمین ائدیر، ائلجه ده کند تصروفاتی محصوللارینی و تیکینتی ماتئریاللارینی ایخراج ائدرک والیوتایا اولان طلباتینی قیسما اؤدییر.
تاریخ
2020.05.16 / 21:15
|
مولف
Axar.az
|