آنا صحیفه ایقتیصادیات |
هیندیستانین ایراندان ایدخالاتی ۹۴%-دن چوخ آزالاراق، ۲۰۲۰-جی ایلین ایلک ۳ آیی عرضینده ۸۰ میلیون دلاردان آشاغی ائنیب.
آخار. آذ خبر وئریر کی، حالبوکی بو رقم اؤتن ایلین اوخشار دؤورونده ۲، ۲۰۱۸-جی ایلده ایسه ۳.۳ میلیارد دلاردان چوخ تشکیل ائدیب.
هیندیستان حکومتینین یایدیغی رسمی ایستاتیستیکالار همچینین بو اؤلکهنین ایرانا ایخراجاتینین دا سؤزوگئدن دؤورده ۳۸% آزالماقلا، ۸۰۸ میلیون دلارا قدر ائندییندن خبر وئریر.
معلوماتلار گؤستریر کی، آمریکا بیرلشمیش ایشتاتلارینین سانکسییالاریندان اول هیندیستانا ایخراجاتی بو اؤلکهدن ائتدیی ایدخالاتدان تقریباً ۵ دفعه چوخ اولان ایرانین جاری ایلین ایلک ۳ آیی عرضینده هیندیستاندان آلدیغی امتعهلرین دیری بو اؤلکهیه ساتدیغی محصوللاردان ۱۰ دفعه چوخدور.
چیندن سونرا ایران نئفتینین ان بؤیوک موشتریسی اولان هیندیستان ۲۰۱۹-جو ایلین ۲-جی یاریسیندان اعتباراً بو اؤلکهدن قارا قیزیل آلیشینی تامامیله دایاندیریب.
چینین یایدیغی ایستاتیستیکالاردا دا بو اؤلکهنین ایرانلا ائتدیی تیجارتین هجمینده کسکین گئریلهمه اولدوغو موشاهده ائدیلیر.
تاریخ
2020.05.29 / 18:31
|
مولف
Axar.az
|