ایران والیوتاسینین سرعتله دیر ایتیرمه‌سی ایله یاناشی اؤلکه‌نین اقتصادی وضعیتینین داها دا آغیرلاشماسی، وطنداشلارین آلیجی‌لیق قابیلیتینین آشاغی دوشمه‌سی، ایشسیز وطنداشلارین سایینین چوخالماسی یوخسول طبقه‌یه منصوب اینسانلارین سایینی کسکین آرتیریب.

ایرانین امک ناظیرلیینه تابع «فردای اقتصاد» نشرینین یازدیغینا گؤره، ۲۰۲۱-جی ایلده آپاریلان آراشدیرمالار اؤلکه اهالیسینین تخمیناً ۳۰ فایزینین، یعنی ۲۵ میلیون ۵۰۰ مین نفرینین مطلق یوخسوللوقدان اذیت چکدیینی گؤستریر. گونو-گون‌دن داها دا پیسلشه‌ن اقتصادی وضعیت حاضردا بو ایستاتیستیکانین داها یوکسک اولدوغونو دئمه‌یه اساس وئریر.

مسئله ایله باغلی Axar.az-آ آچیقلاما وئره‌ن تانینمیش ایران‌لی اقتصادچی هادی حقشناس ایران پارلامنتینین ایشچی و پنسییاچیلارین مینیموم گلیرلرینده دییشیکلیک ائتمدیی حال‌دا دیگر طبقه‌لر آراسین‌دا یوخسوللوغون اولدوقجا آشاغی دوشجیینی بیلدیریب.

"ان اوپتیمیست حال‌دا مینیموم امک حاقی آرتیریلان خرجلرین یاریسینی کومپنساسییا ائده بیلر. لاکین جاری ایلده دؤولت ایشچیلرینین گلیرلری آلیجیلیق قابیلیتی باخیمیندان اؤتن ایلده‌ن آزی ۲۰-۳۰ فایز آز اولاجاق. حکومت رسمی اولاراق اینفلیاسییانین ۴۰ فایزدن چوخ اولدوغونو آچیقلاییب. اما معاش آرتیمی ۲۰ فایزدیر. بو او دئمک‌دیر کی، حکومت بو ایل نینکی اهالینین آلیجی‌لیق قابیلیتینی کومپنساسییا ائتمه‌ییب، حتی ایشچیلرین مااشلارینین آزی ۲۰ فایزینی ده بیله‌رک‌دن آزالدیب. ۲۰۲۲-جی ایلین آپرئل آیین‌دان اوکتیابرین اولینه کیمی اؤلکه‌ده ارزاق اینفلیاسییاسی ۸۰ فایزه چاتیب. بونا گؤره ده گلیرلرینین اساس حیسه‌سی منزیل و ارزاغا خرجلنه‌ن آزتمیناتلی وطنداشلار اوچون معاشلارین ۲۰ فایزلیک آرتیمینین معناسی یوخدور و بو، اونلارا کؤمک ائتمه‌یه‌جک"، - اقتصادچی بیلدیریب.

قید ائدک کی، دونیا بانکینین آچیقلادیغی سون ایستاتیستیکایا اساساً، ایران‌دا مطلق یوخسوللوق سوییه‌سی ۲۰۱۳-۲۰۱۹-جی ایللر آراسین‌دا اهمیت‌لی درجه‌ده آرتیب، سون ایللرده ایسه داها دا سورعتلنیب.