هر ایل قیش آیلارین‌دا ایران‌دا اهالینین ایستیفاده ائتدیی معیشت گازی کسیلیر. بو ایل ده تکرارلاندی. اؤلکه‌نین ۳۳ تریلیون کوب متر گازی وار. بو گؤستریجی دونیانین ۱۷ فایزی دئمکدیر. اما هر ایل ایرانین بیر چوخ شهرلرین‌ده گاز کسیلیر.

بو سؤزلری Axar.az-آ گونئی‌لی فعال صابر زامانی ایران‌دا گونلردیر معیشت گازی بحرانی ایله باغلی دانیشارکه‌ن دئییب.

او بیلدیریب کی، بحرانین یارانماسینین سببلرین‌دن بیری ایران‌دا گاز دپولاما توتومونون اولدوقجا آز اولماسیدیر:

«هئچ ۲ فایز بئله تشکیل ائتمیر. ائولرده ۷۰۰ میلیون کوب متر گاز یانیر. بونو دؤلت قارشیلایا بیلمیر. بو دا اهالینین گازسیز قالماسینا سبب اولور. ایکینجی سبب ایسه ایرانین انرژی ثمرلیلیینین آشاغی اولماسیدیر. ایران هر گون ارمنیستانا ۱ میلیون کوب متر گاز اخراج ائدیر. اؤز اراضی‌سین‌ده اهالینین گازا احتیاجی اولماسینا باخمایاراق ایکی آی اؤنجه یئنی راضیلاشما ایله ارمنیستانا اخراج ائدیله‌ن گازین حجمی ۲ میلیون کوب متره قالدیریلدی».
قید ائدک کی، ایران‌دا یاشانان معیشت گازی بحرانینا گؤره اهالی مایع گاز آلماق اوچون نؤبه‌یه دایانیب. ایرانین ملی گاز شیرکتی گاز بحرانینا گؤره اینسانلاردان سوبالاری گونده ۶ ساعت‌لیق سؤندورمه‌لرینی خواهیش ائدیب.