آذربایجان مرکزی بانکی «بانک ملی ایران»این باکی فیلیالینین باغلانماسی اوچون ریسک گؤرمور.

Axar.az خبر وئریر کی، بونو مرکزی بانکین ایداره هئیتینین صدری تالع کاظیموو دئییب.

اونون سؤزلرینه گؤره، «بانک ملی ایران»این مالییه گؤستریجیلری یئترینجه یوکسکدیر، لیکویدلیک ده یوکسک سوییه‌ده‌دیر.

"دوشونوروک کی، بوتون بانکلار اؤز فعالیتلرینی آذربایجان قانونوئریجیلیینه، هابئله مرکزی بانکین معین ائتدیی طلبلره اویغون اولاراق حیاتا کئچیرمه‌لی‌دیر"، - دئیه او قید ائدیب.

کاظیموو بیلدیریب کی، بو گون آذربایجانین مالییه سکتوروندا هر هانسی بانکین باغلانماسی اوچون ریسک مشاهده اولونمور و مرکزی بانک ایلک نؤوبه‌ده مالییه بازارینین ثابیتلیینین تعمین ائدیلمه‌سینی هدفلییر.

"ایسته‌نیله‌ن مالییه عملیاتی، بانکلار، سیغورتا، اینوستیسییا شیرکتلری مرکزی بانکین طلبلرینه جواب وئریرسه و ایستابیل مالییه فعالیتی گؤستریرسه، دوشونوره‌م کی، باغلانما احتیمالی ایله علاقدار پروبلم و ریسکلرله اوزلشمزلر"، - او دئییب.