یوخاری

آذربایجانا ۴۲ میلیون دلار کردیت آیریلدی

آنا صحیفه ایقتیصادیات
12 Punto 14 Punto 16 Punto 18 Punto

«آذربایجان خزر دنیز گمیچی‌لیی» قاپالی سهلمدار جمعیتی و آوروپا یئنیدنقورما و انکشاف بانکی آراسیندا کردیت سازشی امضالانیب.

Axar.az خبر وئریر کی، بو باره‌ده اقتصادیات ناظیری میکاییل جابباروو «X» سوسیال شبکه‌سینده‌کی حسابیندا یازیب.

«سندین اجراسی رگیونال کمونیکاسییالارین و تجارت علاقه‌لرینین گوجلندیریلمه‌سینه، ترانزیت یوکلرینین داشینماسینین آرتیریلماسینا و مارشروت استقامتلرینی شاخه‌لندیرمکله رقابت قابلیتلیلیین یوکسلمه‌سینه تحفه‌لر وئرجک»، - ناظیر قید ائدیب.

آوروپا یئنیدنقورما و انکشاف بانکیندان وئریله‌ن معلوماتا گؤره، آذربایجان خزر دنیز گمیچی‌لیی-یا ۴۲ میلیون آمریکا دلاری (۳۸،۷۱ میلیون آورو) مبلغینده کردیت آیریلیب. لایحه‌نین عمومی دیری ۶۰ میلیون آمریکا دلاری تشکیل ائدیر.

بیلدیریلیر کی، آوروپا یئنیدنقورما و انکشاف بانکی بو وسائطین آیریلماسی ایله آسیا و آوروپا آراسیندا نقلیات علاقه‌لرینین شاخله‌ندیریلمه‌سینه تحفه وئریر.

"آذربایجان خزر دنیز گمیچی‌لیی آیریلان کردیتی بین‌الخالق سولاردا قورو یوکلرین داشینماسی و تجارت دونانماسینین فعالیتینی گئنیشلندیرمک اوچون ایکی عدد «هاندیسیزئ» تیپلی قورو یوک گمی‌سینین آلیشینا صرف ائد‌جک. مقصد رگیونال دنیز علاقه‌لرینین و تجارتینین گوجلندیریلمه‌سینه دستک وئرمکدیر. یئنی گمیلر مرکزی آسیا و جنوبی قافقازی گلوبال بازارلارلا بیرلشدیرن گئنیشلندیریلمیش اورتا دهلیز بویونجا آذربایجانین حل‌ائدیجی هالقا کیمی اؤلکه موقعیینی محکملندیرمه‌یه دستک اولاجاق"، - معلوماتدا دئییلیر.

آوروپا یئنیدنقورما و انکشاف بانکی، همچینین گمیچی‌لیک سکتوروندا دکاربونیزاسیا پروبلملرینی داها یاخشی حل ائتمک و آذربایجان خزر دنیز گمیچی‌لیی-نین دایانیقلی‌لیقلا علاقه‌لی ایلک مالیه‌لشمه آلتلرینه یول آچماق اوچون شرکتین اقلیم یؤنوملو کورپوراتیو ادارچیلیینی و اقلیمله علاقه‌لی آچیقلاما سیاستلرینی تکمیللشدیرمکده اونا دستک وئرجک.

بانک حساب ائدیر کی، آذربایجان خزر دنیز گمیچی‌لیی رگیونون ان بؤیوک گمیچیلیک شرکتلریندن بیری اولاراق بو مهم تجارت مارشروتو بویونجا دنیز علاقه‌لرینین گوجلندیریلمه‌سینده مهم رول اویناییر.

قید ائدک کی، آوروپا یئنیدنقورما و انکشاف بانکی قافقاز و مرکزی آسیادا مهم اینستیتوسیونال اینوستوردور. بانک آذربایجاندا اؤلکه اقتصادیاتینین شاخه‌لندیریلمه‌سینی دستکلمک اوچون ۱۸۹ لایحه‌یه ۳،۶ میلیارد آورودان چوخ سرمایه یاتیریب.

تاریخ
2024.02.01 / 19:57
مولف
Axar.az
شرح لر
دیگر خبرلر

گونئیلی تقاعدچولر ۴ شهرده اعتراض آکسیاسی کئچیردیلر

قیزیلین قیمتی تاریخی رکوردا قالخدی

نفت هفته‌نی بو قیمتله یکونلاشدیردی

نفت کسکین باهالاشدی – سون قیمت

اؤلکه‌یه گلن توریستلرین سایی ۱ میلیونا یاخینلاشدی

گروسی ایرانا خبردارلیق ائتدی

نفت هفته‌نی بو قیمتله یئکونلاشدیردی

نفت هفته‌نی بو قیمتله یئکونلاشدیردی

نفت هفته‌نی بو قیمتله یئکونلاشدیردی

آمریکا چین شیرکتلرینه سانکسییا تطبیق ائتدی

خبر خطّی
Axar.az'da reklam Bağla
Reklam
Bize yazin Bağla