رگیونون سرحدلرینین دییشدیریلمه‌سی عمومیتله قبول ائدیلمزدیر و رگیوندان کنار گوجلرین بعضی آددیملاری رگیون اؤلکه‌لری آراسیندا بیرلیین محکملندیریلمه‌سینی واجیب ائدیر و هر هانسی فکر آیریلیغینین قارشی‌سینین آلینماسینی ضروریلشدیریر.

Axar.az خبر وئریر کی، بونو مسعود پزشکیان آذربایجان پرزیدنتینین کمک‌چی‌سی حکمت حاجییئوله گؤروشده دئییب.

او، رگیون اؤلکه‌لرینین اراضی بوتؤولویونون قورونوب ساخلانماسینی ایرانین خاریجی سیاستینین اساس پرینسیپلریندن بیری اولدوغونو بیلدیرلب.

ایران پرزیدنتی چیخیشینین داوامیندا صحیه ناظرلیینه رهبرلیک ائتدیی دؤورده آذربایجانا سفریندن دانیشاراق دئییب: «من آذربایجانا سفر ائد‌نده اؤزومو وطنیم‌ده‌کی کیمی حس ائتدیم، اویغون واخت‌دا مطلق یئنی‌دن اؤلکه‌نیزی زیارت ائد‌جه‌یه‌م".

پزشکیان ائلجه ده آذربایجان پرزیدنتی ایلهام علیئوی تهران‌دا قبول ائدجه‌یینه اومید ائتدیینی بیلدیریب.

گؤروش‌ده آذربایجان پرزیدنتینین کمک‌چی‌سی حکمت حاجییئو : "امین‌لیکله دئیه بیلره‌م کی، ایران اسلام رسپوبلیکاسی ایله قونشو اولان اؤلکه‌لر آراسیندا آذربایجان رسپوبلیکاسی ایرانلا امکداشلیق و علاقه‌لری انکشاف ائتدیرمکده ان عزمکار اؤلکه‌لردن بیریدیر"، دئیه قید ائدیب.