آنا صحیفه کولت |
ایکینجی دونیا محاربهسی ایللرینده آلمانییا طرفه کئچهن آذربایجانلی حربچیلر موباریزهلرینین بیر حیسهسی کیمی «آذربایجان» آدلی قزئت چاپ ائدیبلر. بو قزئت تبلیغات مقصدی اولماقلا یاناشی هم ده لئگیونئرلرین اؤزلرینی ایفاده ائتمهلری اوچون دوشونولموشدو. بیر طرفدن جبههده باش وئرهن حادثهلر قزئتده یئر آلیر، دیگر طرفدن لئگیونئرلرین شئیرلری، مکتوبلاری، حکایهلری و رسم اثرلری چاپ ائدیلیردی.
لئگیونئرلرین یازدیقلاری شئیرلری تدقیقاتچی مممد جعفرلی «آذربایجان لئگیون ادبیاتی» آدلی کیتابدا توپلاییب. ائلجه ده بو شئیرلر سوسیال شبکهلرده موتهمادی پایلاشیلیر. اما لئگیونئرلرین چکدیکلری رسم اثرلری کیفایت قدر دقت چکمهییب.
ماراقلیدیر کی، چ.İ ایمضالی لئگیونئر قزئتین ۸۴-جو ساییندا (۵ فئورال ۱۹۴۴) «آذربایجاندا رسم صنعتی» آدلی مقاله یازیب، ازیم ازیمزادهدن و دیگرلریندن بحث ائدیب.
آرخیویمیزده «آذربایجان» قزئتینین بیر چوخ ائلئکترون نوسخهسی وار. همین نوسخهلری گؤزدن کئچیررکهن لئگیونئر حسنین چکدیی رسم اثرلرینه راست گلدیک. بو اثرلرین مؤوضوسو نظامی گنجوینین پوئمالارینین قهرهمانلاری اولدوقلاری اوچون چوخ اؤنملیدیر.
قزئتین ۸۶-جی ساییندا (۱۹ فئورال، ۱۹۴۴) رسسام حسنین «خاقانی حبسده» آدلی رسم اثری چاپ ائدیلیب.
قزئتین ۹۶-جی ساییندا (۱ مای ۱۹۴۴) نظامی گنجوینین «یئددی گؤزل» پوئماسی اساسیندا بیر رسم اثری وئریلیب و آلتیندا یازیلیب: «آدی ایله فخر ائتدییمیز نظامی گنجوینین «یئددی گؤزل» پوئماسینا چکیلمیش بیر رنگلی تابلودان. اورتادا اثرین قهرهمانی بهرام گور، دؤورهسینده ایسه یئددی ایقلیمین – اؤلکهنین گؤزللری. شکیل گنج رسساملاریمیزدان حسنیندیر».
قزئتین ۹۸-جی ساییندا رسسام حسنین یئنه نظامی گنجوینین اثرلرینه مراجعت ائتدیینی گؤروروک. رسسام بو دفعه «لئیلی و مجنون» اثرینی تقدیم ائدیب.
بیزه گؤره بو اثرلر چکیلدیی شرایط و تاریخی دؤور باخیمیندان قیمتلندیریلمهلی، نیزامیشوناسلیقدا دقتدن کناردا قالمامالیدیر.
تاریخ
2019.02.17 / 23:26
|
مولف
دیلقهم احمد
|